لين متى ؟ حطمتونا والله

[ندى الإمارات]

من وين أبدا بالضبط ؟
والله حيرتونا ..!


احنا طالبات وطلاب ثانوية عامة
والله حرام حرام حراام اللي تسووه فينا
ما أنزل الله به من سلطان..!


على شو بنلحق ؟ خبروني بس ؟
على الامتحانات ..؟ اللي كل يوم وراه يوم امتحان
من الأحد للـ خميس امتحانات تقويمية ..!
لا و كل امتحان أصعب من الثاني، وكل امتحان أطول من الثاني ؟
يجينا امتحان الرياضيات ولا الفيزيا ولا الكيميا من 3 لـ 4 صفحات و لازم نخلصه خلال حصة وحدة ؟
لا .. والحصة 45 دقيقة .. 5 دقائق راحت لين ما تيجي المس
و 5 دقايق لين ما تتكلم و تسلم و تعطينا ملاحظات
شو باقي ..؟ 35 دقيقة ؟ شو نسوي فيهم ؟ نكتشف نظرية ؟
لا.. و أزيدكم من الشعر بيت.. ما بين 3 إلى 10 دقايق يكون تشويش على الطالب لأنه خلال هالوقت المس تيجي تشرح مسألة ولا تحط ملاحظة ولا تجاوب على بنت بصوت عالي ؟
خبروني بالله عليكم شو باقي ؟ من الحصة
غير انه الامتحان يكون تعجيزي و صعب .. واحيانا السؤال ياخذ مني ربع ساعة لين ما يطلع معي الحل .! شو بقيت أنا لباقي الاسئلة من وقت الامتحان ؟
هذا حال الكل فقاعة الامتحان
و لو كنتوا من مدرسة مثل مدرستي التعجيزية بتقولوا معاي حق


اوكيه.. أرجع البيت و يكون عندي مجال مابين 4-5 ساعات دراسة
هذي الساعات شو أسوي فيها ؟ أدرس الامتحان اللي علي واللي دايما يكون فصل كامل و خصوصا بالاحيا والكيميا
ولا احل الواجبات ؟ ولا أراجع اللي أخذناه في الحصة ؟
ولا أدرس امتحان الشفوي ؟ ولا أسوي العرض التقديمي ولا أطلع معلومات عن كذا ولا أحفظ آيات الدين ولا أطلع معاني كلمات الانجليزي ؟
أنا أصلا يوميا ما ادرس غير الامتحان لأنه ياخذ مني طول فترة المغرب والعشا وحتى أحيانا أضطر أقوم الساعة 4 الصبح أكمل دراستي !
والله العظيم لو لقيت وقت أسلم على أهلي ولا أتكلم مع أبوي.. يكون فخاطري أقوم أصلي ركعتين شكر لله.


ولا المشاااريع اللي تطلبوها منا ؟
لازم نكون مخترعين الذرة عشان ناخذ الدرجة الكاملة
مجسم ولا اختراع و تقرير عن الاختراع
و تقرير بحثي عنه كمان
و بروشور..؟ و بوربوينت و لازم نبدع فيه ..!
و فكرة مبتكرة ما سواها احد.. ولا أنقص ؟
( هذا الكلام يصير بمدرستي ) ما اعرف لو يصير معكم


الدولة دفعت بلاوي للشراكة و وفرت مدرسات ومدرسين أجانب
ما أنكر الجهد الكبير اللي سووه..
بس .. قسما بالله العظيم إنه المدرسات الأجانب حتى لو كان معهم ماجستير ما يكونوا بنص كفاءة المدرسات العرب
اللهم بس ( كيفية لفظهم للكلمات ) هذا الشي الوحيد اللي نستفيده يمكن ! أما قواعد ما قواعد ولا اسلوب ولا شرح ماااافي أبدا
من بداية السنة واحنا نلعب بحصة الانجليزي
احنا يااا ناااااس طالبين دراسة من جد.. بكرا ورانا آيلتس ولا توفل ولا سيبا . من وين بنفلح فيهم إذا مستوانا ما اتحسن ؟
أنا طالبة درسوني مدرسات انجليزي كانوا عربيات من أول ابتدائي لين 11 علمي.. وربي ابدااع واحسن منهم مافي بالمقارنة مع هالاجانب اللي ( لا يفقهون شيئا )



الدوام ..! للساعة 3:30 ؟ و ما أرجع البيت إلا و تكون الساعة 4:15 و أحيانا 4:30
ياناااااس ياااا عالم انتوا على بالكم نفهم شي من بعد الساعة 1 ؟
اقول الحمد لله والشكر لو دخل بعقولنا 10% من اللي تقوله المعلمة. لا .. ويااحلاوة لو كان الامتحان الحصة التاسعة ولا الثامنة..! يكون الكتاب بايدنا من أول ركوبنا للباص وحتى بين الحصص و بالفسحتين و بالطابور.. هذا غير اللي تحط الكتاب بالدرج وتدرس منه خلال الحصة..!
حاطيين حصص الانجليزي اول الحصص و الحصص العلمية اواخر الحصص ؟ شو هالعقلية ؟ شو هالتفكير السليم ؟


على بالكم هذا الدوام يؤثر بالطالبات والطلاب بس ؟
شوفوا حال المدرسات والمدرسين
المدرسات عندهم مسؤولياااااااااااااات ما تنعد مابين الاسرة والبيت والمدرسة.
تشوف ولادها و تعطيهم من وقتها ساعة عالأقل ولا تشوف مسؤولياتها في البيت؟
هذا غير انه لازم تحضر لشرح الدرس ولا تكتب امتحانات على الكمبيوتر و أوراق عمل
و تصلح الامتحانات و الدفاتر و الكتب
و ترصد الدرجات.. و تنظم الأنشطة و ترتب وقتها وتحضر الاجتماعات
و تدرس الايلتس المطلوب منها ووووو ........
و تيجي المدرسة و تكون كل هموم الدنيا فوق راسها و تعطينا حصص..
و من كثر الضغوط اللي عليها تحط حرتها و عصبيتها فينا!
تستنا أقل غلطة ولا همسة منا و اتطيح فينا هيا و عصبيتها وتصرخ..!


بالله عليكم المعلم مضغوط و أعصابه تعبانه والطالب مضغوط و حالته ل الله. كيف بيكون التواصل بين الطالب والمعلم .؟
المعلم مكهرب والطالب مكهرب ..! ولا واحد يتحمل الثاني
أصلا المعلم من الضغط اللي عليه ما راح يتقبل يعيد امتحان ولا يراجع التقارير والمشاريع و إذا ناقصة يرجعها للطالب .! مستحيل
رح يقول عساهم ما نجحوا.. عساهم ما جابوا نسبة
ياناس يااا عالم والله حرام!


تعالوا شوفو كم بنت نقلت أدبي عنا
تعلوا شوفوا كم بنت من 12 دخلت عالممرضة خلال هالفترة؟
شوفوا شو الحالات اللي وصلتها ؟ مابيين انهيار و ضغط طالع و ضغط نازل و سكر طالع و سكر نازل وهاي مغمى عليها وهاي حالتها لـ الله ..!


يا طالبات ياا طلاب ياا معلمين
اتكلموا .. وصلوا أصواتكم
ارفعوا كتاب للمنطقة
اتحركوا


هذي مو حالة


حطمتوا آمالنا و مستقبلنا
ما عاد فينا خلق على الدراسة ولا المدرسة ولا على شي
انتوا مو حاطيين فـ بالكم إنه طموحنا ( نسبة )
نرفع فيها راس أهلنا و تسعدنا.. عالأقل نحس إنه تعبنا ما راح عالفاضي
و اتدخلنا جامعة بمنحة ؟!!
كم طالب وطالبة منا.. طموحة إنه يجيب نسبة عالية و يحصل منحة ؟
أنا اتعب و اجتهد من 11 سنة وآخد نسب عالية مابين الـ 98% - 96%
و السنة هذي لو جبت 90 ولا 93% يكون معجزة
يااا مسؤوولين احنا ننتظر منح..
محتاجين لنص الدرجة، للدرجة
والله محتاجين الدرجة







الساكت عن الحق شيطان أخرس
وصلوا صوتكم للمسؤولين
حرااام اللي قاعد يصير

[Tears Love]

حبيبتي ندى الإمارات
الكل عندو مشاكل في المدرسة أكثر من يلي ذكرتيها
إحنا عنا من يوم الثلاثاء للأربعاء يوم مفوتح يعني بياخذو من كل حصة سبع دقائق ويسوا حصه زيادة أنشطة
أنشطة شو والمناهج ما راح تخلص
وآخر شي بيعطونا آخر أسابيع من الصبح للساعة 6.5 المسا دوام مثل كل سنة
لا ومن الحين بلشنا كمان مسائي
والأبلات الله يعين يعني إحنا بمنطقة نائية والأبلات بيجونا من رأس الخيمة
إذا الدوام يخلص الساعة 3 ولين توصل البيت وترتاح يعني على الأقل 2.5 أو ساعتين وتبدأ شغلها للمدرسة وين هاي بتشوف بيتها ولا أولادها
ولا أبلة فيزياء و الرياضيات يلي إلنا أول سنة تدريس
وين بيعرفوا يفهموا طيب ينزلوهم تدريب أول شي والله حرام بيدربوا فينا
شكرا لك أختي ندى الإمارات على طرحك لهالموضوع يلي من زمان وأنا أستنى حدى يحكي

[الماسة الأرجوانية]

والله كلامك كلو صح_ وهي معناة كل الطالبات والطلبة في الدولة_ بس للأسف ما حد حاسس فينا_لازم كلنا نوحد الصوت ونحاول نعمل اي شي لنغير هالحالة _طول السنوات الماضية كان الوضع عادي وهلأ لما صرنا توجيهي طالعوا كل القرارات والقوانين الجديدة_ هذا ظلم وافتراء وما في عدل بيننا وبين الدفعات يلي قبلنا_ في معنا وقت للفصل التاني ولازم نسوي اي شي لننقذ أنفسنا من الرسووووووب......
يا ريت طل الطلبة يحاولوا يناقشوا هالموضوع مع المديرة أو المدير الموجود في المدرسة يمكن نقدر نسوي شي يفيدنا..وكلنا معك...

[m3aand]

مرحبا..
هييه والله صدقتي بكل كلمة قلتيها وانا بعد 12علمي و اعاني من نفس معاناتج ومن هالضغط والتعب..
والله تبى حل هالشي..
الله يعين..

[miss-baby]

الصراحه والله طلعتي حرتنا وريحتي خاطرنا صج صج كان يبالنا حد يطلع شو الي في خاطرنا بس صراحه تعيشين ع الكلام وكلامج كله صح في صح مدرسين العرب مافي مثلهم بس مااننكر جهدهم في تطويرنا بس هب ع حساب رحتنا الصراحه والله عذاب اف ....
مع تحيات foxya

[lonely angel]

والله كلامك صح مليييووون بالمية ..!
احنا ضايعين
و العلامات بالأرض
محتااجين فرص و وقت
ما في وقت لشي

[سمرفلسطين]

ندى الامارات


كلامك صح مية بالمية وانا عايشة هالظروف نفسها واحسها اكتر بكتييييير من اللي حاسيتو انتي

بصرااحة انا فقدت الامل اني ادخل جامعة درجاتي بالارض والحال على الله

بس اذا احنا حكينا مين رح يوصل صوتنا يعني والله حرام عليهم

لا إله إلا الله محمد رسول الله

[shatora]

ندى الامارات انا معك بكل كلمه وانتي رفيقتي وبنفس المدرسه وحاسي بالوضع وشايفي حالتي كيف صارت الكل مستاء وما عاجبوووا الوضع وانااا اولهم ... والله حاسي حالي مش بالدنياااااا ... بفيىء وبنام عل دراسه ... دراسه دراسه دراسه اوكيك عل عين والراس بالآخر كلها تروح عل فاضي ... لا وما ما بتلاقي حدااا يقدر تعبك ... كرهونا بشي اسمووو مدرسة ... الله يعينه عل هالسنه ><



تحيااااااااتي تاجي

[نون الجميل]

هلااا ندى الامااراات صدقتي في كل كلمة قلتيها عن سكوولنااا
بصرااحه مو حاله هاي
بس شوو نسوي غير ندرس ونقوول حسبي الله ونعم الوكيل فيهم
ندرس وتمووت نفسنا من الدراسه وماا في وقت تحسي بشي لوو مرضتي وغبتي رااح عليكي كم درس
والكم درس مين بيشرحووو شووور المس ماا بتعيده بتقول كالعاده مو مسؤوليتي
واذاا ماا غبتي حتضلك دايخه وتعبانه وحالتك حاله وتزيد حالتك اكتر من ماا انتي فيه
كل امتحان اصعب من التاني وكل مس حالتهاا صعبه اكتر من التانيه
واحناا ماا بايديناا غير نسكت واذا اتكلمنا اللي بنسمعوو هوو ((حاولو تاقلمو اعماركم هاي اخر سنه والجامعه اصعب))
كانهم خلو فيها جامعاات
الله يساامحهم بس اناا ماا بسامحهم ليوووم الدين باللي سووه فيناا

تحياااتي يوور فرند

[Manami]

من و انآ صف سادس و اقول ان شالله بتخرج من الثانيوية بنسبة فوق ال95
و اشتغلت ريييييييين!!!
و الحمدلله العام نسبتي 96
بس هآي السنه شكلي نآزلة بقوة .. للثمآنين!!!
حطمو كل طمحآتي و املي في اني ادخل كلية الطب ... ~

[آلغلا]

مشكورة خيتوووو عالموضوع

[الإقتصادية]

تسلمين كلام من ذهب

[yasoof]

كل الكلام الي قلتيه صح ما في وقت والله ما عارف الواحد يسوي شي
حسبي َ الله ونعم الوكيل

[*Ice prince*]

انا ما بقول غير ][ حسبي الله ونعم الوكيل على اللي ناوي يرسبناا .. واللي ما يقدر ظروفنا كـ طلاب ][ ..
صدقتي اختي في كل كلمة قليتها .. وانا بضم صوتي لـ صوتك ..

[ملاكـ راكـ]

صح لساااااااااااااانج ندى الامارااااااات

ربي يعطيييييييييج العاااااااااافية


هي و الله مب حااااااااااله شو هاه محد حاس فينا ... شو نسووي يعني نوقف دراااااااسه و لا شوووو يعننننني

[أمينه نمكيه]

صج كلامج والله واشكرج انج طلعتي يلي في قلبج ووصلتي هالرساله حقنا وعن يلي قلتيه انج توصلي متأخره هذا نفس الشي عندنا بس ايقولو الكورس الثاني بيرجعونا من وقت شويه...وثانكس ع الموضوع مره ثانيه .

[سام اسكورا]

أبدا من هنا ::

وبما اني طالب في ثالث ثانوي علمي وكل ما قالته اختنا صحيح

واللي يخلي الواحد يقهر اكثر انه في اول شهر 1 امتحان اسمه مادري شو امسا حق كل المواد ويقولون محسوبة على التقاويم

يعني بالعقل شو هالمصخرة نحن يلا يلا ما خلصنا الكتب الى اين يعني

والله اني اكوون مريض ومنتهي بس عسب ذالك اداوم عشان ما يروح علي ولا نص درس

ولا حصص الانجليزي اللي مسوينها ع الفاضي طبعا المدرس الاجنبي ما يهمه شي يقعد يتكلم عن قصة حياته والطلبة طفرانين يفكرون كيف يفتكون من المواد العلمية اللي مسببة عقدة
عندنا مدرس انجليزي (أمريكي ) يعني فايق لدرجة غير طبيعية يبالنا نهتم فالانجليزي اكثر من المواد التانية
وكل ما نقوله شي يجلس يقول انه في امريكا كذا وكذا يعني يا اخوونا الواحد خلاص في الفصل الاول تكنسل والله يعين الطلبة اللي موب متفيقين على الحصص اللي يلا يلا في الصف تحصل عيونهم داخلة في بعضيها .
ياناس ياعالم نحن طلاب ورانا مستقبل خلاص زمن اول تحول ليت النظام القديم يعود مجددا"
اتمنى ان يعودو مدرسين الانجليزي العرب
موب عارف شو اقول والله هذا اللي يطلع من خاطري والله يستر من الدرجات والله انه ما نقصر في الدراسة بس ماشي علامات
والحمدالله على كل حآل
لكن الله فوق يا جماعة

[بنـت زايـــــد]

مـرحبــا اختي ندى الامارات ..

ابصرااحه انا حاسة فيكم .. ونحن العام مريناا بهذي المرحلة .. وبصرااحه ما حد كان حاااس فيناا العاام لا مدرساات ولا ادارة ولا حتى الوزارة ..
ع العموم اتمني لـج ولى خواتي واخواني الباجياات التوفيق ..
وربي يحفظج ..

[Nahyan]

بتدخلوا الجامعه وبتقولو ياليتنا بعدنا في المدرسة
الواحد إذا كان سلبي عمره مابا يحقق شي
أما إذا فكر بإيجابية مابا يحس بأي صعوبة
الأمور والمشاكل اللي نواجهها إذا كبرناها بتكبر أما إذا اعتبرناها أمور صغيرة وبسيطة مابا نحس فيها
العقل يتبرمج إذا قلنا له هذا صعب وهذا واايد بيكون صعب أما إذا قلنا هذا سهل ونقدر عليه بيكون سهل

أنا اتكلم من واقع وتجربة،، أول ماخلصت الثانويه قلت هم وانزاح،، لكن يوم شفت كراف الجامعه قلت وين الله يرحم أيام المدرسة،، متى بتخرج
ويوم تخرجت واشتغلت قلت الله يرحم أيام الجامعه كنا مرتاحين،، ترا بني آدم مايشبع إلا من التراب
الواحد يكون قنوع ومتفائل أحسن
ويعيش يومه بابتسامة رضاا وسعاده

غيرنا محرمين من أبسط حقوقهم ونحن عندنا كل شي وبعد نتذمر
مافي شي اسمه سهل وصعب في شي اسمه إرادة قوية وشي اسمه تخاذل وانتو اختاروا مابينهم

[جنة الاحباب]

حرااااااااام عليهم والله العظيم انه حرااااام
كل سنه والمنهج يكوون اصعب كل سنه ودرجاتنا تنزل اكثر كل سنه ونكره المدرسه اكثر
تعبنا تعبنااا كل يوم الصبح نروح ونحن تعبانيين تحت عيونا اسود من السهر ونحن نطالع الكتب من كثرما ندرس و نحفظ وف الامتحانات لما نروح نجووف الامتحاان ننسى كل شي من صعوووبت الامتحان

قسم بالله انه حراام عليهم
الله يكوون ف عونا ومهما يصير بنتحمل وبنكافح ومابنخيب املنا

ومشكووووره ندى الامارات وربي انج ابدعتي وربي يوفقج انشآلله

( نحن معاااج فكل الي قلتيه )

[dodo_1]

خلاااااص نستقيل من المدرسة ونتعلم الخيااطه >>>> اوني ارطب الجو خخخخ


تقبلو مروري

اختكم
<<جالكسيــ و الدنيا عكسيــ>>

[فتكاويه]

صدق و الله ><
نوووووو تاايم ، كله كد × كد ،,
و بعد يبوون ايطلعوون عبااقره و دكااتره ,,
اذاا تميتوا على هالحاال بتظهروون فااشلييين ,,
( و اضم صوتي لصووتج اختي ندى الاامارات )

[البنجابي]

اممم ...




والله قد ماترمسوون و تتكلموون وتبربروون مابيتغير شي .. !!
وإلـآآ الله كــآتبنهـ بيستويــ..

ترآآهــآآ سنهـ ..سنتين وبتطلعوون من المدرسة ..


وماقوول غير اللهــ يتسر ..





>
>
>
>
>
>
>
>

[فتكاويه]

صح اخووي سنه سنتيين ,,
بس عقبهم مستقبلناا !!
صح ولا آنا غلطآنه ؟؟

[Lolly pop]

احنا 11 علمي و توها السنة تبدأ .. و حالتنا حالة .. الله يستر شو راح يصير لما نروح 12 علمي
هذا إذا كنا على قيد الحياة أصلاً .. و أشك انه حد راح ييب نسبة محترمة هالسنة
إذا نسبتي 91 - 95 الحمد لله و الشكر .. معجزة في هالزمن
لكن .. (( لا حياة لمن تنادي )) كان الله في عوننا
و احنا باقيلنا شوي و نتخرج .. الله يعين الأجيال القادمة اللي توها تدخل المدرسة





(^_^)

[تووووووتة]

حاااااالتكم صعبة بس انتوا اللي مصعبييييينهاا..
كل شي يسهل إذا انتوا سهلتووه..
يعني خلاااص جي مصعبيين عليينا انتواا بعد تموون تقولون وتقوولون
ترى ما في فاااااااااااايدة،، و اذا بيغيروووون شي بيغيروونه السنة اليااية او اللي بعدها فلا تموون تعوروون راااسكم ع شي ماا يستااهل و يمكن تدااااركه بعدة طرق..
أكييييد كلناا نطمح لنسب حلوووة فلااازم تتعبوون عشاانهااا
تبوون تييبوونها بسهوولة لاا طبعا اكييد بعد تعب و مشقة..

شكلكم ماا قرييتواا
http://www.study4uae.com/vb/study4uae299/article146932/

[الذيب العيناوي١١]

الماسة الأرجوانية
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههه

[محمد 103]

وأزيد من الشعر بيت

أن أسبوع القادم سيتم سيزيدون الحصص بيخلونه 9 حصص بدل من 8

لا إله إلا الله

[رائـدة فضـاء]

شو عبالهم اينشتاين و لا ابن سينا علشان يزيدون المواد صعوبة و لا يزيدون الحصص الصراحة انا اول ثانوي و حالتي حالة ارقد الساعة 1 و مرات 2 و انش الساعة 5 كله مذاكرة لان كل مادة يباله تقرير و مشروع و تحضير و مراجعة و واجبات و كل يوم امتحان ، و انا من اللحين حاسة اني بموت في السنوات الياية شو بسوي الله اعلم..
صح لازم اكون ايجابية بس مستحيل و انا اعرف ان الأبلوات بيذبحونا اذا ما راجعنا و الله كل يوم أبلة العربي تنازعنا اونه ليش مب مذاكرين و لا مراجعين و نحن نتم نحلف و نقول ابلة و الله مذاكرين و هي تقول لا تتحلفن و اذا مذاكرين ليش ما تعرفون الجواب و نحن نقول ابلة نسينا فتقول مستحيل حد ينسى و هو مذاكر عدل ... اصلا كيف نذاكر عدل و نحن كل همنا بننجح و الا لا .. الصراحة ما في وقت نذاكر كل المواد و فوق كل شيء الرياضة و شو القرار اليديد اونه ممنوع تاكلون شبس بتمرضون و يسبب السرطان .. الصراحة ذلونا اذا ما كلينا شو بناكل بس عصير و كاكاو و انا ما احب سندويشات المدرسة و بعد قايلين لا تيبو اكل من البيت... صراحة ضغط شديد و كل وحدة مريضة و اذا حد غاب بيقولون مب مسؤوليتي انتي اللي غبتي مب انا و ما بعيد شرح الدرس ... بس شو نسوي ان الله مع الصابرين و قال الرسول صلى الله عليه وسلم (ان الله اذا احب قومآ ابتلاهم ) احسن شيء نصبر و نشوف وين بنوصل .... ( احس اني ارتحت بعد ما قلت كل اللي ف خاطري)

[عيمية و افتخر]

السلام عليكم و الرحمة

أنا معاكم في كل شي قلتوه

أنا عن نفسي أعاني بصراحة صح حادي عشر علمي بس و الله أقول ياليت أرد عاشر لأنه صدق تعبنا
كل مس تدخل و هي طالعة تعطينا 10 أسئلة واجب

الإمتحانات يحطون اسئلة من وين ما أعرف مع إنه نحن مذاكرين و ما نطلع من الصف في الفسحة و نيلس نذاكر حتى في الباص نذاكر و كل وحدة تسأل الثانية و آخر شي إييبون أسئلة ما نعرف من وين و يوم نسأل المس و الله إنتوا علمي لازم تعرفون كل شي

خير إن شاء الله قلنا علمي بس ما قلنا كمبيوتر بيحفظ كل شي و لازم يحصل حق كل شي حل صح ، و إذا نقصنا في الدرجات أهلنا يستغربون ليش ناقصين و إنتوا مذاكرين و نحن مراجعين لكم و كل شي يحطونه في راسنا المدرسات

و الله إني الأسبوع إللي طاف رحت عند وحدة من المسات تشرحلي درس لأني غبت لظروف مرضية و عطيتها نسخة من العذر مال المستشفى و آخر شي شرحتلي سؤال واحد و قالت فهمتي قلتلها لا شرحت نفس السؤال مرة ثانية و إضطريت أقوللها هيه و أنا مب فاهمة و آخر شي ربيعتي شرحتلي الدرس

بصراحة يغيرون المناهج و شكلهم يغيرون أسلوب المدرسات مع المناهج
كل مس يوم نقوللها وايد واجبات عطيتينا قال إنتوا علمي و تقولون وايد إنتوا يبيلكم كسر راس
بصراحة مب أسلوب مدرسة على قولتهم تربي أجيال و تعلمهم

ما اقول إلا حسبي الله ونعم الوكيل فيهم

[فتكاويه]

نحن 9 حصص \\ و نوصل البيووت السااعه 4 العصرر
><

[القزويني]

والله على الكلام اللي كلتي ياندى الامارات اشكر الله الف مره على مدرستي

الله يعينكم موفقين

[al_reeeeee7]

الصراحه كلامج كله صح في صح ..... غيير كل اللي قلتيه كل يوم طالعبن بشي لنا مره تقسبم درجات يديد ومره يحولون البحوث الى تقارير واحنا خلاص سلمنا المشاريع والبحوث .... عاد كله كوم والامتحانات كوم ثاني كلها مرصوصه ورا بعض ما في فجه موول .. والله هذا ما علم جي خل يرحمونا شوي ....ويوم نعترض يقولون لنا احنا ما في ايدنا شي هذي قرارت الوزاره ....

[لعيونه حيت]

ندى الامارات انا معك بكل كلمه وانتي رفيقتي وبنفس المدرسه وحاسي بالوضع وشايفي حالتي كيف صارت الكل مستاء وما عاجبوووا الوضع وانااا اولهم ... اا ... ... دراسه دراسه دراسه اوكيك عل عين والراس بالآخر كلها تروح عل فاضي ... لا وما ما بتلاقي حدااا يقدر تعبك ... كرهونا بشي اسمووو مدرسة ... الله يعينه عل هالسنه ><

[امجاد العرب]

اللــه يعيين..لازم كلامج يوصل لأحد المسؤولين صراحه لاااازم..بس فـ نفس الوقت
حتى هم مو بايدهم..وبعدين احنا اللي نتعلم مب هم ..يعني من مصلحتنا احنــاا
ولاازم نصبر..أأيد كلامج أختــي لكن ياما غيرج صارتله أضعاف وأضعاف ضغوطاتنا ..
لكن مع ذلك اللي يبتغي العلم يجااهد حتى يوصل إليه ..
وبعدين كل ما اتينا معلومه لازم نحمد ربنا أن عرفنـا شي ولو بسيط
غيرنا ما بقول غير الله يعلم بحالتهم ..
خلي نفسج أو كلنا نخلي نفسنا..بموقف الرسول والأنبياء ونتخيل كيف هم كــانوا يصبرون ..
والله والله أن هم تحملوا وصبروا أكثر عنا لأنهم ياتهم صعوبات وضغوطات أكثر عنا بس نسأل أنفسنــاا ؟؟فييه وااحد منهم تذمر نفسنا ..؟؟
وما ننسا أن هذا امتحان واختبار من رب العالمين يجوفنا بنصبر أو كيف ..
ما أكذبكم أن ما فيه ضغوطات أصلا حتى نحن صرااحه ..لكن الهمــه عااليــه وإن شااء الله دووم
ربي يساعدنــا ويصبرنــاا والله الوكيل ^^..
أختج : أمجـااد العرب

[^^ظبيانية^^]

كيف 9 حصص..؟؟!!!!
الله يكون ف عونكم ان شاء الله
بس الصراحة نحن 7 حصص و تعبانين نطلع من المدرسة الساعة 2 و اوصل البيت الساعة 3
و ان شاء الله حد من الوزارة يجوف الموضوع و يغيرو نظامكم الي 9 حصص..
و صدقتي ف كل كلمة قلتيها صح احنا نظامنا 7 حصص بس والله تعب كل يوم امتحانات و فيه يوم كان امتحانين ما قدرت اذاكرهم و بنفس الوقت استويت مريضة و ما رحت المدرسة><
و تسلمين حبوبة ع الطرح المتميز..^^

[امجاد العرب]

في خاطري سؤال أنت من مدرسة الطليعة ذكرتيني بمعاناتي ملاحظة أنا أخت أمجاد العرب

[الادبية]

الوزارة على بالهم بيطلعون عباقرة بهذا النظام
يحلموووووووووووووووووووووووووووووووووووون
ذبحونا
قلنا تعليم عاد مب جذا !

[روح مسلمه]

اول شي السلام عليكم ورحمة الله وبركاته

ثانيا والله كلامج صح 100%

لكن للاسف لا حياة لمن تنادي

والله من الضغوطات مانقدر نركز فأي شي

والله نحن ناس نحس والحمدلله

والله هااي مب حالة

الصراحة تعب

وكله يرجع علينا

والله انا قلت اللي فخاطريه

والباجي عليكم [ الوزارة ، المسؤولين ، الادارة ، المعلمات .....]

وشكرا لج ندى الامارات والله تستاهلين اكبر شكر

[عاشت الامارات]

بالمختصر

( لا حياة لمن تنادي ) ......

[برستيج الغزلان]

والله انكم مساكين نحن مدرستنا نظامها خمس حصص وكل حصه ساعه والفصحه الاولى ساعه والثانيه عشر دقايق وفي يوم ست حصص ياخذون من كل حصه عشر دقايق ويسون الحصه السادسه واذا في مواد نحن متاخرين فيها ياخرونا في المدرسه ونحن دوامنا يخلص الساعه 2ونص الصراحه ما شي احلى من هالنظام والكل مرتاح p: انا ما اغايضكم بس اقولكم عشان تاخذون فكره وتقترحون عليهم

همسه: ع فكره نحن اللي اقترحنا عليهم هالشي

[فـــارس الأمارات]

هي والله كلامش صح بس منو بيرد علينا

[بقايا حبك]

الله يعين بس

[m!ss memo]

هيه والله صدقج...
انا بقولج سوي مثلي وريحي عمرج..
اول شي: دراسه لا تدرسين الامتحان اعتمدي ع شرح الابله الا اذا ما كنتي فاهمه.
ثاني شي خلي وقتج حق المشاريع والبوربوينت وتعرفين الباجي الخ.....
ثالث شي: انتي ابدي بالصعب السهل لا تذاكرينه..
رابع شي يوم تنشين الفير راجعي لا تذاكرين...
خامس شي: خذي بريك نحن مب مكاين ونحس نحن بشر...
سادس شي: اذا الابله هزبتج قوليلها "حطي عمرج مكاني يوم واحد اذا ما تخبلتي هذا ويهي انتوا الابلوات ما تسون شي بس تكشون ذباب اللهم بس انكم تسوون الامتحانات" احم انا عن نفسي جي قلت حق الابلوات هههههه..

ثانكس ع موضوعج خليتينا شوي نفظفظ ربيعتج او اختج:m!ss memo

[ليش لا]

انا وياج في كل كلمة قلتيها

(( لا حياااااااة لمن تنااااااااادي ))

[شحي شديد]

كلام سليم

لا و ألحين الإمتحانات ساعة و نص كيف بنخلص إمتحان فيزيا و رياضيات بساعة و نص مع العلم أن الأسلئة تعتمد على التفكير !!!؟؟؟

والله أن الترتيب ها السنة فاشل بنسة 100%

ما نقول غير بس

حسبنا الله و نعم الوكيل

[ام amon]

صدقتي يا اخت ندى الامارات وانت قلتي كل الكلام اللي لازم الكل يقوله كل واحد منا لان هذي مب حالة فعلا انا بنتي الحين صف سادس والله العظيم من ترد من المدرسة لين الساعة 9وهي ما ترتاح وياليت تخلص ارحمها واخليها تنام والصبح تكمل عن ابوه هذي انسان مب الة لازم شوي ترتاح والله العظيم كل يوم واجبات شوه وتقارير ولازم تكتبها بايدها مب تصورها من النت وخلاص هذا غير المشاريع وملفات الانجاز اللي ما تخلص شوه هالتعجيز يا عالم ارحموهم يرحمكم من في السماء والسموحة

[ام amon]

ياليت يسمعونا ولكن ياليت ماتعمربيت

[نـــسيم]

والله طلعتي كل ألي في خااطري خخخـ

وفي فتره حضرتهم خلو الدوام لمدة 3 ايام لين 4 وربع

والله هالثلاث ايام حسيتها 3 سنوااااااااااااااااات

وطبعا هي ماتفرق ... اونه عسب تلحقون

طولتو الدوام ولالا نحن منلحق منلحق ...

والأبلوات مهما سوينالهم مشاري وبحوث مايعيبهم شي ...

يعني شو تبوون نسوي ؟؟ يوم نسألهم مايعرفون يردون !!

والله قهرررررر

طبعا الوزارة مليوون بالميه تعرف هذا كله

ولكن لا حيااااااااااااااااااااااااااااة لمن تناااادي

[ام amon]

والله صدقكم شو انسوي في هاي الحاله