أرشيف study4uae

السلام عليكم
من كم يوم امي سافرت مدة سفرها شهر والطالبات اللي وياي بالصف عرفوا انها مسافرة و يوم سفرها البنات ماعرف شو اللي معصبهم مني و عملوا وياي مشكله وانا مو عارفه السبب وحاولت استفسر لكن الكل مقاطعني..و بالاول امي كانت تصحيني من النوم الحين صرت اقعد من النوم بروحي ولمن اقعد من النوم اطالع نفسي بالمرآيه اشوف نفسي ابدااااا مو حلوة و اشوف عيوني صغيرة كثير من كثر البكاء و كنت متعوده انو قبل ما اروح المدرسه امي تقعد تدعيلي وتعطرني الصبح بس الحين انا حاسه انو البيت مظلم والحياة مو حلوة ولمن اجي اطلع اشوف الامارات مظلمه ومافي شي يفتح نفسي والضحكه ابدا ما تنرسم على وجهي..وصرت اواجه مشكلات بالدراسه ما اذاكر كثير وصرت مو مهتمه بالدراسه ومستواي نزل بشكل مو طبيعي..ماني شاطرة مثل اول وصرت احس انو نفسي صار ضيق واحس اني اريد اموت..وبالحصص احس انو روحي راح تطلع وصرت ما استوعب بسرعه يعني بالشرح ما افهم بسرعه الا بعد ما يشرحولي حوالي 5 او 6 مرات..وحاسه انو في شي بهالحياة ناقص وكل ما احاول اذاكر شي اطفش واقعد ابكي وما افتح كتبي ابدا طول الوقت نايمه و اوقات احلم بأمي واقعد ابكي وانا نايمه
وهي قبل ما تسافر وصتني بدراستي واني اجيب درجات حلوة بالمواد بس اجيب درجات ابدا مو حلوة ..اريد ارجع شاطرة و اجيب علامات كامله نفس اول بس مو عارفه كيف ارجوكم ساعدوني
والله وانا قاعدة اكتب بالموضوع دمعي بعيني مو قادرة اتحمل كل هالمشاكل

عزيزتي اعتذر لتاخر الرد
بالنسبة لغياب امك ارجو من الله ان يردها بخير لك
كم عمرك ؟؟ عزيزتي علكي ان تعلمي اننا في هذه الحياة قد نفاجأ بظروف خارجة عن إرادتنا وعلينا التكيف مع الوضع ومتابعة التقدم ومحاولة العيش بجد والمثابرة خاصة وغن كانت وصية امك لك هكذا
أما عن صديقاتك فأعتقد ان الوضع طبيعي ولنكي تشعرين بنقص ونفسيتك متعبة من غياب والدتك ولذلك لا تتحملين شيء وتتحسسي من كل شيء مهما كان صغيرا وعند عودة امك بالتاكيد ستعودين كالسابق
المهم ان تتابعي امورك بجد كما وعدتي امك وإعلمي يا إبنتي انه سيكون في حياتك يوم ستتركي امك وتعيشين وحدك وهطذا هي الحياة لا شيء يبقى على حاله فهل نموت لغياب احد ؟؟