معـــــــــــــــــــــــــــــاني الاسماء(البنات)

دلتا — 2010-04-16 15:11 — معـــــــــــــــــــــــــــــاني الاسماء(البنات)

بسم الله الرحمن الرحيم
ابتسام : رزينه .. و ثقيله .. و خدومه ..بس عقدتها انها شينه
أمل : طيبة قلب .. و تفكر ألف مره قبل ماتقرر بشي
أحلام : قوية شخصيه .. ذكيه .. خدومه .. و دايم تحلم و تخطط حق المستقبل عندها طموووح ..
أسماء : هاديه و علطوووول ساكته .. و مخلصه .. بس غامضه ..
ايمان : طيبة قلب .. يحبونها اللي حولها .. مشكلتها انها ماتعرف تعبر عن حبها .. وتحس ان مافي حد يفهمها ..
بدور : مثل اسمها حلوه و مزيونه و خجوله .. بس ياويلك منها اذا سويت فيها شي ..
بشرى : تحب تثبت نفسها .. ذكيه .. تحب الناس .. غامضه ..
بدريه : ثقيله و رزينه .. وكتووووووومه .. يعني اذا قلتلها سر .. تطمن سرك في بير.. بس ثقيلة دم ..
بسمه : انسانه ذكيه .. شخصيتها قويه .. ماتحب اللف و الدوران ..
اذا حست ان في انسان بيغلط عليها .. تفرش خامسينه بالأرض ..
تهاني: خفيفة دم و من خفة دمها أحيان تظن انها مرجوجه .. حذره في تعاملها مع الناس ..
تغريد: طيبه و محبوبه من الجميع .. بس فيها عرق سوداني .. يعني كسلانه ..
جميله : ذكيه .. و جريئه .. و الواحد يعتمد عليها .. مشكلتها انها ماتقدر تمتنع عن الحش ..
حنان : خفيفة دم .. خدومه .. مخلصه .. و مطيعه .. بس أحيانا تصير أنانيه بشكل فظيع
حصه : قوية شخصيه .. محبوبه .. بس للأسف مالها حظ .. دايم مقروده ..
حوريه : محبوبه .. و تحب التعارف و الصداقات .. بس انها شرسه .. محد يتحمل لسانها الطويل ..
حياة : اللي مايعرفها مايثمنها .. عاقله .. بس شينها انها تحب كل شي قدامها يكون جاهز ..
خلود : طيبة قلب .. شخصيتها قويه .. محبوبه من الجميع .. دلوعه .. وراسها يابس ..
خديجه : خدوووومه .. و تحب الناس .. و قلبها طيب .. ماتحب الحش ..
و تتعامل مع الناس بطيبة قلب .. بس اذا غلط عليها أحد توريه نجوم الظهر ...
دلال : حلوه و جذابه .. بس مشكلتها انها ضعيفة الشخصيه ..
ديما : قوية الشخصيه .. تتعامل مع الشخص مثل مايعاملها .. كلمتها وحده .. و قلبها طيب .. من طيبته يوديها في مشاكل ..
دانه : أهلها يمووووتون فيها .. دلوعه .. و حلوه ولسانها طويل
رشا : ياحليلها .. طيبة قلب .. و دمعتها دايم على خدها .. عاطفيه .. بس ياويل من يغلط على أحبابها ..
روان : دلوعه .. و محبوبه .. بس دايماً تكون ضايعه في الطوشه يعني ماتدري وين الله حاطها
رقيه : مخلصه في شغلها .. ماتحب اللي يلعب بذيله .. متحفظه .. و ماتحب اللعب و اللف و الدوران ...
ريم : طيبة قلب .. و خدومه .. و على نياتها .. مطيعه .. تحب الناس ..
رنا : حلوه .. حنونه .. و تحب الناس .. اجتماعيه .. واجتماعيتها ذي تسبب لها مشاكل ...
رانيا : دلوعه .. ويعتمد عليها .. بس مشكلتها انها ثقيلة دم ..
زينب : حلوه و مزيونه .. و لها شخصيه قويه .. خدومه .. و تحب تعبر عن مشاعرها بطلاقه .. و راسها يااااابس
زهره : ذكيه وشاطره .. حبوبه .. تحب الصداقات .. مشكلتها غيرتها اللي تذبحها و تذبح اللي حولها ..
زكيه : تحب الضحك .. و المزاح .. و المرح .. شاطره .. و حنونه .. بس لسانها دايم يخونها ..
سماح : وفيه .. وحبوبه .. و تفكر بعقلها قبل قلبها في الامور العاطفيه .. بس للأسف انها مقروده مالها حظ
سلوى : قلبها طيب ..مطيعه و خدومه .. و حلوه و مزيونه .. دلوعه .. بس للأسف مالها حظ ..
سعاد : شاطره و ذكيه .. بس شرانيه ..
ساره : محبوبه .. ذكيه .. طموحه .. عنيده ..و مزعجه
سلمى : ذكيه .. شخصيتها قويه .. تحب الحريه و التجديد .. لكنها مزعجه
سناء : حبوبه و خفيفة دم .. و اذا حبت تبيع الدنيا للي تحبه .. مشكلتها انها تفكر بقلبها قبل عقلها .. و هذا يسبب لها مشاكل
شعاع : ذكيه .. و مجتهده .. و شخصيتها قويه .. واذا حطت براسها شي لازم تسويه .. بس انها شينه ..
شريفه : خفيفة دم .. تحب صديقاتها .. و الناس تحبها .. بس وقت الجد جد .. ماعندها مزح و كلام فاضي .. ( عسكريه )
شوق : رقيقه.. و تحب تثبت نفسها .. خواااافه ..
عبير : مجتهده و شاطره .. و حبوبه و دلوعه .. غامضه .. بس مشكلتها انها متهوره ..
عايشه : شاطره .. صبوره .. مخلصه .. اذا حبت أحد تحبه بجنون .. بس مشكلتها انها تمشي ورى هواها ..
عزيزه : مخلصه .. رزينه .. ثقيله .. وثقيلة الدم ..
العنود : شخصيه قويه .. مزيونه .. محبوبه .. لها شعبيه كبيره .. و ذكيه .. طموووحه .. و ياويل من يتجرء يغلط عليها ..
غــاده..تمتاز بالجمال.. والنعومه..والرقه.. والأنوثه.. والجاذبيه.. ولكنها عنيده..وياويل من يتجرأ يغلط عليها..
فاتن : حلوه .. حبوبه .. ذكيه .. شخصيتها ضعيفه ..
فردوس : ذكيه .. طموحه .. شخصيتها قويه ..
لمياء : محبوبه .. تحب تبني صداقات .. و دلوعه .. و ياويله اللي اذا طلبت منه شي و لا جابه لها ..
لينا : طيبة قلب .. و على نياتها .. و دمعتها علطول على خدها .. بس تحس ان محد يفهمها ..
ليلى : شخصيه قويه .. ذكيه .. حبوبه . تحب المزاح .. لكنها مزعجه ..
منيره : واضحه .. ماتحب اللف و الدوران .. صريحه .. و أم حنون .. بس لسانها طويل
منال : هاديه .. و حلوه . ودلوعه .. وواثقه من نفسها .. بس انها مغروره ..
مريم : طيبه و على نياتها .. عاطفيه .. و مندفعه .. تحب الحش ..
منى : هاديه .. و رزينه .. ذكيه .. و تحب المظاهر ..
مشاعل : محبوبه .. تحب بناء صداقات .. لكنها غامضه ..
نوره : شخصيتها قويه .. ذكيه .. و شاطره .. تفكر بعقلها في الأمور العاطفيه .. تحب تزيد ثقافتها
.. صريحه ماتعرف تجامل .. مشكلتها انها ماتعرف تعبر..
نوف : تحب بناء الصداقات .. تحب المغامرات ... تحب التراث .. لكن يا حبها حق الحش ..
نوال : شخصيه قويه .. محبوبه .. و تحب الناس .. مطيعه .. و عنيييييييييده ..
ناديه : شخصيتها قويه .. و تحب تثبت نفسها .. تعتمد على نفسها .. وماتحب تغامر بشي
.. تفكر مليون مره قبل ماتسوي أي شي ..
هدى : شخصيه قويه .. يعتمد عليها في أصعب المواقف .. خدومه .. لكنها غامضه .. و تحب الحش ..
هناء : على نياتها .. تتصرف حسب مايملي عليها عاطفتها .. بدون تفكير .. ذكيه .. خدومه ..
هيا : محبوبه .. تحب اللي يحبها بس .. مطيعه .. مخلصه .. لكنها عصبييييييه ..
هند : عاطفيه .. ذكيه و شاطره .. اذا حبت شي تحب تمتلكه لحالها .. غيووووره ..
هنادي : شخصيه قويه .. تحب الدلع و المظاهر .. ذكيه .. ومحبوبه من الجميع ..
وفاء : شاطره و ذكيه .. بس ياويل اللي هي تحط عينها عليه ...
ياسمين : قلبها طيب .. خدومه .. مزيونه .. لكنها متهوره ..
يسرى : شخصيه قويه .. تحب تثبت ذاتها .. و تحب المظاهر ..

7αуαтι υαє — 2010-04-17 05:29

صراحة اصدق ذلك لأن ليس معقول ان تكون البنت لها اسم و ليس لديه معنى

روووح زايد — 2010-04-17 07:33

انا مثل راي مخنوقة من علمي

لحن الشوق — 2010-04-18 12:22

مي تو ...انا مثل رايكم ....شكرا ع المعاني

تومه 77 — 2010-04-18 13:01

تسلمين ع معاني لاسماء لكن شو معنى اسم شيخة

برشاوية — 2010-04-18 13:11

مآآآآ شي اسمي ......ع العموم مشكورة ع الطرح الغآآآوي.......اشلقيت من كثر ما ادور اسمي ومن اللون بعد

القلب السعيد — 2010-04-19 14:30

محد اسمي اشلقيت و انعميت من كثر ما ادور ع العموم .اريجاتووووو...ثااااانكس...طانك يو....ثانك يو......شكرا....ميرسي....ع الموضوع مع اني ماحصلت اسمي و لا اسم حبيبتي....

الطموحة جدا — 2010-04-21 14:43

تسلمين مشكورة باين عليكي أنك عريفة ثانكس

الطموحة جدا — 2010-04-21 14:45

ممكن أسمي مريم

الطفله الاماراتيه — 2010-04-21 15:04

مشكووووووره

والله يعطيح الف عافيه
حصلت اسمي ^_^

مرمورة البحر — 2010-04-21 15:05

مشكووره اختي بس حرام انا مااحش في حد ولوسمحتي اباا اسم شماا.,.

اماراتية وفية — 2010-04-21 15:07

ما اصدق اللي مكتوب لأنه هذي مو معاني الاسماء هذا تحليل لشخصيات الاسماء ( للتسلية ) و مب شرط اللي انقال صح لانه ربيعتي اسمها منذكر و اسم اختي نفس الاسم بس الشخصيات مختلفة تماااااااااااااااما ...

عالعموم مشكورة دلتا عالتسلية ...

نور القوع — 2010-04-21 16:32

بسم الله الرحمن الرحيم
السلام عليكم ورحمة الله وبركاته
جزاك الله خيرا

صغيرونه — 2010-04-27 17:40

انا ما لقيت اسمي ...
بس شكرا على هذا الطرح الرائع...

نغوووووم — 2010-04-27 18:40

مافهمت شي ماني عرفانة الاسم من المعنى ولي نحولت
شكرا في ميزان حسناتك

OxxO — 2010-04-30 07:24

ما دورت اسمي بس يعور العين

^,^ بس الصراحة أنا أصدق المعاني بس إن كل واحد و شخصيته و ماظن ان الاسم وايد يأثر على الشخصية

و هذا كلام اخصائي في علم النفس

loly_w_bas — 2010-05-09 12:33

هاد صحيح لأن كل الاسماء اليها معنى اشكرك على جهدك

امجاد العرب — 2010-05-09 16:10

حـــــــــــــــلوو لاحظت ان أغلبه صح أغلبه هب نصه يعني شوووي غلـــط
بــس اسمي ما موجود..لكن أعرف شو معناه هع وهو :اســم لؤلؤه من لآلئ البحـــر سمووها الأجداد من شدة جمــالها وهي غاليه جدا احم احم بس ما بقول اسمي واللي تعــرفه اتمنــى ما تقول..

مريم اسم عبراني
و اختلف في معناها فقيل هي الزاهدة العابدة
وقيل هي التي لا تنصاغ للرجال
وقيل هي كل ما يملؤها المرارة
والله اعلم
منقوووووووول...
هااي للاسمها مريم

امجاد العرب — 2010-05-09 16:21

الطموحه جدا))
اسمــــــــج مكتوووب أصلا

AHMADOOOO — 2010-05-09 16:43

شكرا على هذا الموضوع
لكن اظن ان الموضوع ليس في مكانه صح

الريم البلوشي — 2010-05-11 14:51

ممكن أسم ميره
وموزه وأمنة

طبعي غير — 2010-05-16 14:35

ماش اسمي بس مشكورةعا الكل يس لوطلب اريد معنى اسمي(اروه)

قلبي شموخ — 2010-09-25 09:14

حرام ماحصلت اسم ممكن اسم (سلامةوموزة وفاطمة )
السموحه كثرت الاسامي
ممكن المعنى

munne — 2010-09-26 16:22

اناا اسمي مب موجوود
بس شكرااً

مزنه الخاطري — 2010-09-26 16:44

حراااااام اسمي موموجود بس حصلت اسماء اربيعاني كلمهم

عاشقة الملل — 2010-09-27 12:26

were is myy name

but thnxx !

صحـ كامي ـن — 2010-09-28 12:55

تسلمين بس ماحصلت اسمي للان الالوان وايد

غزالة دبي 1 — 2010-09-28 19:24

مشكووووووووووووووورة

بنت القلوب — 2010-09-29 13:48

حبايبي دورو الاسامي ولو عينكم عورتكم سوو كوبي بيست microsoft officeword 2007 وسو وكبرو الخط وغيرو اللون جي بتعرفون اذا اسمكم موجود وبعدين بتشكروني انا ويا دلتا

بنــوته — 2010-10-04 14:57

مشكووورة في ميزان حسناتكـ

امووووله — 2010-10-04 19:38

ثااااانكس انا لقيت اسمي ^_^

نيمو 97 — 2010-10-05 15:12

[fot1]مشكوووووورهـ واللهـ يعطيج الف عافيهـ[/fot1]

دودي بو — 2010-10-05 15:48

حصلت اسمي مشكورة

ايلاف عبد القادر — 2010-10-06 18:11

لكن وين اسمي ايلاف ابا معنها على العموم شكرا على المعاني

شيوم7 — 2010-10-14 12:32

مالقيت اسمي وشلقيتمن كثر ما أدورة على العموم مشكورة على الطرح الغاوي ثانكس

blue97 — 2010-10-16 08:16

مامعني اسم شما

ومشكوره

mariam_misk — 2010-10-16 13:15

مشكوره بس تاني مره خلي لون واحد علشان انا اجاني حول

smartgirl20 — 2010-10-23 11:23

شكراً كتييييير بس ما في معنى اسم دانية ؟؟؟؟؟؟؟؟؟؟؟؟؟؟؟؟؟

محاربة الدراسة — 2010-10-30 08:34

هدول مو معاني هدول صفات وكلهم متشابهين المعاني مثل معنى اسم الريان :باب في الجنة يدخله الصائمون

وحتى شوفي في google بتلاقي المعاني بس على عموم شكرا ولا تخذي عني فكرة غلط بس حبيت اوضح

داعم فني — 2010-10-30 08:35

هئ هئ هئ

ابي اسمي ( جواهر )

سيلان الدموع — 2010-10-30 09:16

تفسير اسمي صح
مع انه كان المفروض تحطي كل اسم بلون او حتى تحطي كل اسم على سطر.. بس مشكورة على كل