أستفساراتكم حول كلية فاطمه للعلوم الصحيه

(غصات الحنين) — 2010-08-09 04:45

السلام عليكم

حبيت استفسر منكم هل بالآختبار يدش الفوكاب والجرمر
واللي دشوا الأختبار وانقبلوا
شو المواضيع اللي خلوكم تتكاموا عنها ؟

(غصات الحنين) — 2010-08-09 04:49

اتمنى الرد بأسرع وقت

ريم الاريام — 2010-08-09 08:54

عندي استفسار لو سمحتوا :

1) كيف راح تكون المحادثة بالامتحان هل تتعلق بالتمريض او بشكل عام مثل الايلتس ....؟!~
2) هل المقابلة بالعربي او الانجليزي ...؟!~ وشو الاسئلة اللي راح تكون بالمقابله ..؟!~

بليييز ردوا علي لاني مب عارفه شي عن الكلية ؟

عشتار المحبه — 2010-08-09 12:29 — ارجوا الرد اليوم

مرحبا انا ودي اسجل ف هالكلية نسبتي 81.3 علمي

كم بتطلع نسبتي بعد المعادله بليز ردوا انا عمانية ومتوهقه

كلياتنا ننقبل فيها بطلوع الروح

(غصات الحنين) — 2010-08-09 13:14

مرحبا عشتار المحبة
واخيرا حصلت عمانية
نسبتج بتقل 3 او اربع درجات
يعني تقريبا 77

(غصات الحنين) — 2010-08-09 13:15

اختي عشتار سجلي بالكلية

مساعدة سريعة — 2010-08-09 15:17

غصات انتي من اي ولاية عشان اذا صار ان شاء الله وانقبلنا ناخذ سكن ويا بعض
انا من ولاية بركاء عملتي لاوراقك معادلة ؟ كم يوم خذو لحد ما خلصن؟ متى ينتهي التسجيل بفرع العين؟

(غصات الحنين) — 2010-08-09 16:46

مساعدة سريعة كتب:غصات انتي من اي ولاية عشان اذا صار ان شاء الله وانقبلنا ناخذ سكن ويا بعض
انا من ولاية بركاء عملتي لاوراقك معادلة ؟ كم يوم خذو لحد ما خلصن؟ متى ينتهي التسجيل بفرع العين؟

انا من شناص اختي
إن شاء الله ننقبل ونكون مع بعض
ونكون متواصلين ع طول
بالنسبة للمعادلة انا خلصتها وسلمت اوراقي كاملات امس اول شي تروحي وزارة التربية والتعليم اللي بالعين وتأخذي معج شهادة 12 المصدقة الأصلية وشهادة
صف 10 و11 اللي مختومات من مديرية منطقتكم وصورة من البطاقة الشخصية وصورة من الجوازة وقوليلهم ابي معادلة
علشان اسجل بكلية فاطمة وهم بيأخذو منج الأوراق وتقريبا يجهزن بعد يومين او 3 انا جهزت بيومين هو يكون ع حسب الوزارة لانه السيارة اللي تودي الأوراق لدبي ما تطلع يوميا
ولاتنسي لما تروحي تسجلي بالكلية تأخذي معج صورة بطاقة وجواز الوالدة والوالد لانهن مطلوبات ومهمات والشهادة المصدقة الأصلية وصورة الجواز وصورة البطاقة و4 صور شخصية وصورة من شهادة الميلاد والمعادلة طبعا
التسجيل اعتقد ينتهي 15- 8
وبالتوفيق اختي

فراشة الشتاء — 2010-08-10 16:09

السلام عليكم اهنيكم بقدوم شهر الخير..
حابه استفسر اكثر عن الشهادات المطلوبه اول وثاني وثالث ثان
انا عندي مشكله صارت ظروف خلتنا ننتقل
فشهادة الثاني ثانوي ماحصلتها تظنوا مايرضوا يسجلوني فالكليه؟؟؟؟
ارجوووووكم ساعدوني وعطوني حل

روح الخزامى — 2010-08-10 18:41

السلام عليكم ... شحالكم ؟؟

لاحظت ان الاغلبية يسألون عن امتحان القبول قلت بجاوبكم كلكم مره وحده

امتحان القبول يقيس مستوى الانجلش بشكل عام ما يخص قواعد اللغة وبس .. الكتابة والمفردات وكل شي.
انا يوم امتحنت يابولنا نكتب عن نفسنا وطموحنا اما التفاصيل صراحة ما اذكرها

بالنسبة للمقابلة .. تكون بالانجلش والاسئلة عامة تقريبا نفس امتحان السبيكنج مال الايلتس يعني ايزي بيزي ^_^

لا تحاتون ان شاء الله بتنقبلون فالكلية اذا لكم نصيب

بالنسبة للاخت فراشة الشتاء - اللي سالت عن شهادة الثاني ثانوي اضني ترومين تظهرين بدل فاقد من وزارة التربية والتعليم
مع هذا اتمنى تتواصلين ويا ادارة القبول والتسجيل فالكلية هم بيفيدونج اكثر

والسموحة ع القصور =)

الرحيل الساحر — 2010-08-12 13:49

السلام عليكم ورجمة الله وبركاته

عندي كم استفسار وأريد الرد عليهم سريع

انا طالبة عمانية نسبتي 76.3 علمي هل بنقبل بهالنسبة ؟

انا قريت ان باقي كم يوم ويخلص التسجيل

هل الكلية تكون مغلقة يوم السبت؟

اذا كانت مغلقة بسجل الاحد بس كم يستغرق التسجيل؟

وهل المقابلة والاختبار بنفس يوم التسجيل؟

اريد اعرفالاجابة لان بينا وبين العين مسافة 4 ساعات

روح الخزامى — 2010-08-13 19:13

هلا اختي الرحيل الساحر

يس يمكن تنقبل نسبتج لان النسبة المطلوبة من 70 للعلمي و 80 للادبي

.. يوم السبت اجازة عندنا .. سوو يوم السبت اكيد مسكره

وقت التسجيل يعتمد على استراتيجية التسجيل وحسب اوراقج وجي

لا مب نفس الوقت .. تسجلين وبعدين يخبرونج بعد فتره عن امتحان القبول وفي حاله اجتيازج للامتحان يخبرونج عن موعد المقابلة

حياج الله اختي ^^
وبالتوفيج ان شاء الله

الرحيل الساحر — 2010-08-14 11:03

ان شاء الله انا باكر بسير اسجل بالكلية

بس صحيح ان 15-8 اللي هو باكر يكون اخر يوم تسجيل؟؟

وعسى اختباراتهم سهلة ؟

وكم سؤال به ؟ وكم الوقت ؟

uae 007 — 2010-08-14 19:57

هلا بكل البنوتات الحلوات اللي يبغن يسجلن في كلية فاطمة ..

مبروك عليكن الشهر والله يتقبل طاعتنا وقيامنا وصلاتنا وتلاوتنا .. اللهم آمين ..

اسمحوليه كالعاده ع التأخير ..

بس بصراحه قاعده أكتشف زميلات ويايه في الكليه من خلال هالمنتدى ..

وأنا جدا مستانسه بهالشي ..

مرحبا ملايين ولا يسدن بأختي وزميلتي روح الخزامى .. منوره حبوبه ^^

وجدا شاكره لج تعاونج اللي ينحط ع الجرح ويبرى ^_* .. يعطيج ربي كل العافيه ..

الحينه برد ع الاسئله اللي احس ان يبالهم اجوبه .. وأعذروني حبوبات ع التأخير ..

توكلنا على الله ^^ ..

uae 007 — 2010-08-14 20:07

اقتباس:
المشاركة الأصلية كتبت بواسطة الرحيل الساحر (صورة خارجية غير محفوظة في الأرشيف — http://www.study4uae.com/vb/Ramadan-Study4uae/buttons/viewpost.gif)

ان شاء الله انا باكر بسير اسجل بالكلية

بس صحيح ان 15-8 اللي هو باكر يكون اخر يوم تسجيل؟؟

وعسى اختباراتهم سهلة ؟

وكم سؤال به ؟ وكم الوقت ؟

الله يوفقج ويفتحها عليج ياربيه ..

حبوبه ما عندي معلومه بالضبط عن وقت أنتهاء التسجيل ..

بالعكس انتي اللي تعرفين أكثر ^^

بس أبشرج أن شاء الله أن أمتحان التسجيل يبغيله تركيز وفي المقابله لازم تبينين وثوق بالنفس حبتين .. ^^

والا هو سهل ان شاء الله .. ومفهوم بأذن الله .. ^^

سالفة الوقت يعتمد ع الاسئله بس عادة المقابله ما تاخذ اكثر من 7 ل 10 دقايق او حتى اقل ع حسب ما اذكر ..

حبوبه انتي لا تفكرين وايد بالوقت الحين .. ولا توترين عمرج .. بيخبرونج شو تسوين

بالضبط يوم تكونين هناك ..

الله يسهلها عليج وردي هنيه بشرينا باللي سويتيه ^^

بالتوفيق ..

uae 007 — 2010-08-14 20:16

اقتباس:
المشاركة الأصلية كتبت بواسطة روح الخزامى (صورة خارجية غير محفوظة في الأرشيف — http://www.study4uae.com/vb/Ramadan-Study4uae/buttons/viewpost.gif)

مرحبابج اختي انغام الصدف

خريجة القسم الادبي ممكن تلاقي صعوبه شوي فالفيزياء والكيمياء والاناتومي لكن مع الايام بتحسين ان الامور طيبة خاصة ان السنة التأسيسية توفر لج معلومات اساسية وتسهل عليج باقي السنوات.
صراحه هالصعوبة ممكن تكون عند خريجين القسم العلمي لان في معلومات يبالها رفرش واضافات او تصحيح .. يعني مافي فرق وايد يوقف طموح اي شخص او يعرقل اهدافه..

بالتوفيج لليميع ان شاء الله

كلامج صحيح 100% .. وما عليه اي غبار اختي روح الخزامى ^^

بس حبيت أأكد معلومه لأي حد خريج القسم الأدبي أن ماراح يلاقي صعوبات كثيره

وما بيكون فيه فرق في المستوى بين خريجة العلمي او الأدبي .. ^^

فاللي اتخرج من أدبي سواء بنات والا شباب .. لا تحاتون ..

وأحط رايي ع رايج اختي روح الخزامى أن اللي يبغي شي بيوصله ..

الله يعطيج العافيه حبيبتي ^^

uae 007 — 2010-08-14 20:24

اقتباس:
المشاركة الأصلية كتبت بواسطة روح الخزامى (صورة خارجية غير محفوظة في الأرشيف — http://www.study4uae.com/vb/Ramadan-Study4uae/buttons/viewpost.gif)

بالنسبة للتخصص اليديد هو دبلوم الرعاية الصحية الاولية

مدته سنتين او 3 سنوات مع السنة التأسيسية.

/

اما بالنسبة لباند الايلتس المطلوب لدخول برنامج البكالوريوس او الدبلوم بدون السنة التأسيسية هو 6 مب 5

هلا بج حبوبه ..

بغيت بس أنوه أن باند الأيلتس لدخول الكليه هو باند 5 ..

لأن بعض البنات اللي نسبتهم شويه نازله يطلبون منهم باند 5 عسب تقوي فرصهم للقبول ..

أما باند 6 هو بيكون مطلوب بعد السنه التأسيسيه اللي راح ياخذون فيها كورسات أنجلش مكثفه مع تدريبات لأمتحان الأيلتس ..

يعني كل شي تحت السيطره والأمور مسيره بأذن واحد أحد ..

بالتوفيق بنوتات ^^

uae 007 — 2010-08-14 20:40

كل التوفيق لكن بنات ..

روح الخزامى ما قصرت .. الله يعطيها العافيه ويكتبلها الأجر ياربي بكل حرف كتبته .. اللهم امين ..

وبليز يا بنات .. ما في داعي للخوف الزايد والمحاتاه ..

شوية قلق مطلوب عسب يدفع الشخص للتقدم بس ما يأخره أبدا ..

بليز طمنونا عليكن بنوتات .. وسعيده جدا بتواجدكم وبكون أسعد أذا تلاقيت وياكن وجها لوجه في الكليه ياربي .. ^^

بالتوفيق دائما وأبدا ^^

(غصات الحنين) — 2010-08-15 08:25

سمعت انه اليوم 15-8 آخر موعد للتسجيل صح ؟

أمل 1 — 2010-08-15 13:07

السلام عليكم ...
مبروك عليكم شهر ...
حبيت اعرف اذا كلية مختلط ولا لا ..
مقابلة هل بتكون بالانجليزي ... وشو الاسئلة الي يطروحها حجنا ....
من الي يسوي مقابلة حريم ولا رجال ...
اأرجووووووووووووووووو رد أخواتي ... وأتمنى توفيق للجميع ......

أمل 1 — 2010-08-15 13:11

غصات حنين ..

اذا تعرفي شي عن هالكلية ردي علي .....

(غصات الحنين) — 2010-08-15 16:42

أمل 1 كتب:السلام عليكم ...
مبروك عليكم شهر ...
حبيت اعرف اذا كلية مختلط ولا لا ..
مقابلة هل بتكون بالانجليزي ... وشو الاسئلة الي يطروحها حجنا ....
من الي يسوي مقابلة حريم ولا رجال ...
اأرجووووووووووووووووو رد أخواتي ... وأتمنى توفيق للجميع ......

مرحبا اختي
الله يعيده علينا وعليج بالخير كل سنة وكل حول يارب
بالنسبة للمقابلة بتكون انجلش ومن اكثر البنات اللي انقبلن بالكلية عرفت انه المقابلة والأمتحان يخلونج تتكلمي عن طموحاتج وتطلعاتج وتتكلمي ع نفسج
والكلية فيها مبنى خاص للبنات وثاني للشباب

lover girl — 2010-08-15 21:30

شكـراا الكم
عندي سؤال

هل المفابلة او الامتحان بتحدد اذا بدخل الكلية او لأ ؟ مع العلم اني علمي ونسبتي 88

الرحيل الساحر — 2010-08-16 13:34

السلام عليكم

الحمدالله سجلت في الكلية

بالنسبة للتسجيل ترى مستمر لين اخر شهر 8

عندي سؤال

الاختبار متى بيكون موعده للي عندهم علم بالامر؟

وهل المقابلة اول بعدين الاختبار او العكس ؟

مساعدة سريعة — 2010-08-17 10:53

lover girl كتب:شكـراا الكم
عندي سؤال

هل المفابلة او الامتحان بتحدد اذا بدخل الكلية او لأ ؟ مع العلم اني علمي ونسبتي 88

مو معقولة ما انقبلتي باي كلية بعمان ؟؟؟يا الله شو هالظلم :(38):طبعا كل شي ياثر بس حسب ما قالو انهن سهلااااات بس مو معناته ما تذاكري وتهتمي

مساعدة سريعة — 2010-08-17 10:58

الرحيل الساحر كتب:السلام عليكم

الحمدالله سجلت في الكلية

بالنسبة للتسجيل ترى مستمر لين اخر شهر 8

عندي سؤال

الاختبار متى بيكون موعده للي عندهم علم بالامر؟

وهل المقابلة اول بعدين الاختبار او العكس ؟

حتى انا سجلت بس قالو لي انه هم اللي بيتصلو عليج بعدين بيخبرونج موعد الامتحان اذا اجتزتي الامتحان
بيحددولك موعد المقابلة الله يوفقنا اجميعين لما يحبه ويرضاه

مساعدة سريعة — 2010-08-17 11:04

بنوتات كلكم كيوت بغيت اسال اذا كنتو انتو من الاساس اغلبكم مو مالعين فاكيد محتاجين للسكن
وين ساكنين اريد اسماء اماكن نقدر نحصل فيها ع سكن عاد ساعدونا يا بنات الامارات ترى احنا جيرانكم والجار للجار

الرحيل الساحر — 2010-08-17 12:25

هلا اختي مساعدة سريعه

دامك انتي عمانية انا بعد

ودي بعد نشترك بسكن واحد

واي احد يعرف عن سكن قريب من الكلية يعلمنا

والاجر عند الله

بوادي مول — 2010-08-17 12:28

السلام عليكم ورحمه الله
مبارك عليكم الشهر

لو سمحتن خواتي حبيت استفسر عن كذا
شغله ،

انا من دفعه 2008 وقفت من جامعه الامارات
عشان الايلتس ويبت 4ونص وهم طالبين 5
وخلصت المده الي لازم ايب فيها 5

فسجلت في كليه فاطمه وانا ادبي
ونسبتي 79 . . هل يقبلون
او لا . . قالوا لمواطنين
79 عادي بس شفت الردود احبطتني -.-"

فيه مجال يقبلوني او لا . . ؟

وربي يعطيكم الف عافيه . . والسموحه ع المغثه

اميرة الظلام — 2010-08-18 00:03

السلام عليكم

ابغي اسالج اختي عن الامتحان والمقابلة الشخصية لان مو لين داك الزود اعرف انجليزي حدي خايفه من المقابله

والله يعطيج العافيه خويتي وامحينا ادا تعبناج

uae 007 — 2010-08-18 04:54

اقتباس:
المشاركة الأصلية كتبت بواسطة بوادي مول (صورة خارجية غير محفوظة في الأرشيف — http://www.study4uae.com/vb/Ramadan-Study4uae/buttons/viewpost.gif)

السلام عليكم ورحمه الله
مبارك عليكم الشهر

لو سمحتن خواتي حبيت استفسر عن كذا
شغله ،

انا من دفعه 2008 وقفت من جامعه الامارات
عشان الايلتس ويبت 4ونص وهم طالبين 5
وخلصت المده الي لازم ايب فيها 5

فسجلت في كليه فاطمه وانا ادبي
ونسبتي 79 . . هل يقبلون
او لا . . قالوا لمواطنين
79 عادي بس شفت الردود احبطتني -.-"

فيه مجال يقبلوني او لا . . ؟

وربي يعطيكم الف عافيه . . والسموحه ع المغثه

سلام عليكم حبوبتي ..

ليش الأحباط وليش المحاتاه الغاليه .!

أن شاء الله تنقبلين .. أنتي لا تهتمين في اي شي يخص غيرج حبوبه ..

ظروفج تختلف عن ظروف غيرج ..

فاتوكلي على الله وسوي اللي طلبوه منج وان شاء الله يبشرونج بالقبول ياربي ..

لا تحاتين واشوفج قريب ان شاء الله في الكليه ..

بالتوفيق ياربي .. ^^

uae 007 — 2010-08-18 05:02

اقتباس:
المشاركة الأصلية كتبت بواسطة مساعدة سريعة (صورة خارجية غير محفوظة في الأرشيف — http://www.study4uae.com/vb/Ramadan-Study4uae/buttons/viewpost.gif)
بنوتات كلكم كيوت بغيت اسال اذا كنتو انتو من الاساس اغلبكم مو مالعين فاكيد محتاجين للسكن
وين ساكنين اريد اسماء اماكن نقدر نحصل فيها ع سكن عاد ساعدونا يا بنات الامارات ترى احنا جيرانكم والجار للجار

مرحبا الغلا ..

ان شاء الله تنقبلن حبوبات ..

وعن موضوع السكن .. أغلب البنات من عمان عندهن سكن في البريمي وبروحهم مسووين

باص حقهم اييبهم ويردهم .. ^^

ترومين حبوبه تتخبرين اي حد في البريمي عن اقرب سكن للعين داخل البريمي ..

بالتوفيق الغاليه ..

uae 007 — 2010-08-18 05:07

اقتباس:
المشاركة الأصلية كتبت بواسطة اميرة الظلام (صورة خارجية غير محفوظة في الأرشيف — http://www.study4uae.com/vb/Ramadan-Study4uae/buttons/viewpost.gif)
السلام عليكم

ابغي اسالج اختي عن الامتحان والمقابلة الشخصية لان مو لين داك الزود اعرف انجليزي حدي خايفه من المقابله

والله يعطيج العافيه خويتي وامحينا ادا تعبناج

مرحبا الغاليه ..

لا تخافين أبدا .. أغلبنا يوم سجلنا ما كنا نعرف انجلش ..

بس انتي بعد لازم تشدين حيلج قبل الامتحان ع الاقل واتدربين روحج ع الاسئله اللي ممكن يسئلونها ...

مثل اسمج .. واسم مدرستج .. وهل تحبينها والا لا ..

ووين عايشه أو كيف تقضين يومج باختصار ..

يعني امور عامه حبوبه ..

انتي اهم شي لا تتوترين واتحملي ع روحج ^^

بالتوفيق الغاليه ..

مساعدة سريعة — 2010-08-18 11:31

بوادي مول كتب:

السلام عليكم ورحمه الله
مبارك عليكم الشهر

لو سمحتن خواتي حبيت استفسر عن كذا
شغله ،

انا من دفعه 2008 وقفت من جامعه الامارات
عشان الايلتس ويبت 4ونص وهم طالبين 5
وخلصت المده الي لازم ايب فيها 5

فسجلت في كليه فاطمه وانا ادبي
ونسبتي 79 . . هل يقبلون
او لا . . قالوا لمواطنين
79 عادي بس شفت الردود احبطتني -.-"

فيه مجال يقبلوني او لا . . ؟

وربي يعطيكم الف عافيه . . والسموحه ع المغثه

وعليكم السلام
هم يقبلون من نسبة 85 للادبي وبما انه عندج ايلتس احتمال قبولج زاد 37035565وهذا رقم الكولج فرع العين
اتصلي واستفسري وربج كريم وكثري من قول لا اله الا انت سبحانك اني كنت من الظالمين

مساعدة سريعة — 2010-08-18 11:40

uae 007 كتب:اقتباس:
المشاركة الأصلية كتبت بواسطة مساعدة سريعة (صورة خارجية غير محفوظة في الأرشيف — http://www.study4uae.com/vb/ramadan-study4uae/buttons/viewpost.gif)
بنوتات كلكم كيوت بغيت اسال اذا كنتو انتو من الاساس اغلبكم مو مالعين فاكيد محتاجين للسكن
وين ساكنين اريد اسماء اماكن نقدر نحصل فيها ع سكن عاد ساعدونا يا بنات الامارات ترى احنا جيرانكم والجار للجار

مرحبا الغلا ..

ان شاء الله تنقبلن حبوبات ..

وعن موضوع السكن .. أغلب البنات من عمان عندهن سكن في البريمي وبروحهم مسووين

باص حقهم اييبهم ويردهم .. ^^

ترومين حبوبه تتخبرين اي حد في البريمي عن اقرب سكن للعين داخل البريمي ..

بالتوفيق الغاليه ..

بس هب جنه وايد بعيد نحن نبا سكن قريييييييب من الكولج وفي سكيوريتي:(45)::(45):

lover girl — 2010-08-18 20:52

مساعدة سريعة كتب:مو معقولة ما انقبلتي باي كلية بعمان ؟؟؟يا الله شو هالظلم :(38):طبعا كل شي ياثر بس حسب ما قالو انهن سهلااااات بس مو معناته ما تذاكري وتهتمي

اختــي انا ساكنة بالعين(الامارات) مو بعمان....

أمل 1 — 2010-08-19 11:06

هلا ...
شو أخباركم ...
.... ..... .... ..... .... .....
بنات أريد أعرف من الي يسأل في المقابلة ... يعني رجال ولا حريم ...
والامتحان انجليزي ... شو الاسئلة .. يعني قواعد انجلييزي ولا شو ..
أتمنى المساعدة بسرعة ..............

الرحيل الساحر — 2010-08-19 13:12

مسائكم عطر~

هل تحدد تاريخ الاختبار والمقابلة ؟

متى بيكون ؟

اتصلت بالكلية بس ما حد يرد :cry:

مساعدة سريعة — 2010-08-20 11:04

الرحيل الساحر كتب:مسائكم عطر~

هل تحدد تاريخ الاختبار والمقابلة ؟

متى بيكون ؟

اتصلت بالكلية بس ما حد يرد :cry:

هلا
انا لما سالتهم قالولي اهم بروحهم بيتصلون عليج يعني انتظري اتصالهم واتوقع انه
الاتصال رح يكون بعد ماينتهي التسجيل فحدود بداية شهر 9 ولاتنسي انه بداية شهر 9
يعني العيد وبعد هذا الشرح المفصل اظنه بعد العيد يكون لامتحان واذا اجتزتيه بيحددون المقابلة لج
وسلامتج:(8)::(8):

uae 007 — 2010-08-20 11:15

اقتباس:
المشاركة الأصلية كتبت بواسطة أمل 1 (صورة خارجية غير محفوظة في الأرشيف — http://www.study4uae.com/vb/Ramadan-Study4uae/buttons/viewpost.gif)
هلا ...
شو أخباركم ...
.... ..... .... ..... .... .....
بنات أريد أعرف من الي يسأل في المقابلة ... يعني رجال ولا حريم ...
والامتحان انجليزي ... شو الاسئلة .. يعني قواعد انجلييزي ولا شو ..
أتمنى المساعدة بسرعة ..............

هلا ومرحبا ..

في المقابله عاد ما تعرفين شو حظج .. يا تكون حرمه او يكون ريال .. ^^

وعن الأمتحان على ما أذكر ما كانت قواعد ؟

بس دراسة القواعد بتساعدج وايد في الامتحان لان الانجلش من دون قواعد ما تركب ^^

بس صراحه حبوبه ماحيد الامتحان بالضبط ..

بالتوفيق الغاليه ..

uae 007 — 2010-08-20 11:21

اقتباس:
المشاركة الأصلية كتبت بواسطة مساعدة سريعة (صورة خارجية غير محفوظة في الأرشيف — http://www.study4uae.com/vb/Ramadan-Study4uae/buttons/viewpost.gif)
بس هب جنه وايد بعيد نحن نبا سكن قريييييييب من الكولج وفي سكيوريتي:(45)::(45):

همممم ..

حبيبتي سمحيلي .. ما عندي علم شخصيا عن هالموضوع ..

بحاول اسئل حد من هنيه ومن هناك وان شاء الله بردلج خبر قريب حبيبتي ..

تيك كير ..

الرحيل الساحر — 2010-08-21 17:49

هلا

شسمه ما كأن دراستهم متأخرة ؟؟

يعني نبدأ واغلب الكليات تكون بادية من زمان

يعني بالكثير كم بيكون تاريخ الدوام الرسمي بالكلية ؟؟

(غصات الحنين) — 2010-08-21 17:54

الرحيل الساحر
اختيه انتي من عمان ؟

هيمانة العين — 2010-08-21 20:18

انا بنت ابا اسجل بس ما اعرف بنات عسبت اسكن وياهم
عندي اهل بس مقدر اسكن عندهم

الرحيل الساحر — 2010-08-21 22:09

(غصات الحنين) كتب:الرحيل الساحر
اختيه انتي من عمان ؟

هلا خويتي

ايه من عمان

تشرفنا :(43):

lover girl — 2010-08-21 23:07

لو سمحتو

متى بتطلع نتائج القبول بالكيلة؟ هما بيتصلو فينا ولا احنا نتصل فيهم لنعرف؟!

غرياف — 2010-08-21 23:27

السلآم عليكم ..
خواتي بغيت اعرف متى نتريا اتصالهم ..؟

ثانكس

اميرة الظلام — 2010-08-21 23:34

والله نحن ما نعرف هم قالوا بيتصلون 20-8 ولين الحين ما اتصلوا
نترى شو نسوي غير جي

غرياف — 2010-08-22 01:00

هههه صدقي ختيه ماعندنا الا الصبر ^^

عسى ربج يتصلوون لاينفذ الصبر ههه

(غصات الحنين) — 2010-08-22 03:17

هيمانة العين كتب:انا بنت ابا اسجل بس ما اعرف بنات عسبت اسكن وياهم
عندي اهل بس مقدر اسكن عندهم

هلا اختي سجلي قبل لاينتهي وقت التسجيل
وعلى السكن لا تحاتي اكيد بتلقي بنات تسكني معهم
انا سجلت وإذا قبلونا إن شاء الله بنكون بنفس السكن
:(23):