أستفساراتكم حول كلية فاطمه للعلوم الصحيه

حاملة القلوب — 2010-09-04 15:02

روح الخزامي انتظر ردك باسرع وقت ممكن
ارجوا الرد

غرنوووجه — 2010-09-05 10:09

خيتو حاملة القلوب للحينه محد يعرف شي لانهم مددوا فترة التسجيل لمواطنيهم يعني راح يكون الفرز أعتقد مب متاكده بعد العيد

(غصات الحنين) — 2010-09-05 15:33

غرنوجة موجودة الحين؟

غرنوووجه — 2010-09-05 15:43

اهلين غصونه

(غصات الحنين) — 2010-09-05 15:47

شو المواضيع اللي يخلوننا نتكلم عنهن ؟
غير شخصيتنا وطموحتنا

غرنوووجه — 2010-09-05 15:48

:(14):؟؟؟

:(14):>>>

Bant_alhammadi — 2010-09-05 22:51

روح الخزامى كتب:
عليكم السلام ورحمة الله وبركاته
بخير ربي يعافيج من صوبج ؟

هيه الكلاسات مختلطه بس البنات فصوب والشباب فصوب ثاني
اعتقد بيودون اوراقج بس عشان تطمنين اكثر سجلي بروحج احسن
المواصلات مب متوفره لكن في بنات بروحن متفقات وشي باصات توديهن وتردهن

عادي اذا ما يبتيه بتدخلين السنة التأسيسية وعقب بتيبين الايلتس ان شاء الله - سنوات الدراسه 5 سنوات مع السنة التأسيسية .. بالنسبة لتخصص علوم المختبرات هالتخصص مب موجود فالكلية ( عندنا بكالوريوس تمريض + دبلوم رعاية صحية اوليه بس يمكن يفتحون تخصصات يديده ع سنتكم ) صراحه انا مابا اقلل من حماسج بس ان شاء الله تزورين الكولج ونسويلج تور فاليوم المفتوح او اي وقت انتي حابه تنورينا فالكلية - اصلا في زيارات للمدارس فالاوبن دي بس اتمنى اعرف انتي من اي مدرسه؟؟ عسب نطرش دعوه لمدرستكم للاوبن دي وتشوفين الكلية وتقتنعين بروحج ان شاء الله

حياج الله اختي

يعله مديم..يسرج الحال..,’

الشي اللي معقدينني للحين أن الكلاسات مختلطه ف بيتنا ممنوع><
الله يستر هع..
بس انا شفت ف برنامج مهنتي كانو حاطين عن كليتكم وحاطين عن تخصص علوم المختبرات عشان جي انا حبيت الكلية والتخصص..

طرشت لج اسم سكوولي بالتقييم..جيكي^^

وومشكوره الغلا
وبالتوفيييق للجميع

مساعدة سريعة — 2010-09-06 09:28

وييييييييييييييييع الوضع جدا مقرف كل هالانتظار لحد متى بنات جربو دقو عليهم اظن اذا انا دقيت بيسكون الخط بوجهي كع كع

الحلا كله انا — 2010-09-06 23:33

انا دقيت عليهم الاسبوع الماضي قالوا اول ما تصول قائمة المقبولين بنتصل فيكم

اميرة الظلام — 2010-09-07 02:39

بنات السنوات السنوات القبلية يقولون كانوا يعطون البنات المسجلين ورقة مكتوب فيها موعد الامتحان الا هذي السنة ليش ؟يمكن يغيرون النظام يخلونه ما شيء امتحان قبول لان ما يبوا اي طاري حق الامتحان يوم رحت اقدمانا اتوقع يخترون عشوائي

روح الخزامى — 2010-09-07 02:54

عين عمان كتب:انا سوالي لروح الخزامى صح انهم ما يركزو ع الجرامر بس وانه المقابلة إيزي بيزي

مرحبابج اختي

يركزون على كل شي فديتج بس اكيد يراعون كل المستويات يعني اذا خبصتي فالجرامر بس كنتي تستخدمين كلمات ومفردات مهمة تناسب الموضوع اللي ترمسين عنه .. اكيد بيغطي على درجه الجرامر .. يعني شي يعدل شي ثاني
اهم شي فالمقابلة انج ترمسين وما توقفين وايد يعني ما تقولين امممممم .. والا تقولين كلمتين وتسكتين تدورين ع الكلمة في مخج او اترجمين الكلام من عربي لانجلش .. تكلمي عادي حتى لو كان في اخطاء اهم شي يكون عندج تدفق فاللغه والمحادثه ..
لا تحاتين الغالية بس درسي واتعبي وان شاء الله اذا لج نصيب الله بيرزقج

والسموحه ع التأخير فالرد =)

روح الخزامى — 2010-09-07 02:57

حاملة القلوب كتب:مشكورة اختي روح الخزامي
بس حبيت اسال متى يبدأ دوامكم بالضبط؟؟؟

العفو اختي

14\9 \ 2010

روح الخزامى — 2010-09-07 03:07

bant_alhammadi كتب:يعله مديم..يسرج الحال..,’

الشي اللي معقدينني للحين أن الكلاسات مختلطه ف بيتنا ممنوع><
الله يستر هع..
بس انا شفت ف برنامج مهنتي كانو حاطين عن كليتكم وحاطين عن تخصص علوم المختبرات عشان جي انا حبيت الكلية والتخصص..

طرشت لج اسم سكوولي بالتقييم..جيكي^^

وومشكوره الغلا
وبالتوفيييق للجميع

حالن مديم اختي .. شفت اسم المدرسه ^^

مب كل الكلاسات فيها شباب .. اذا كانوا 11 طالب يعني كلاس او كلاسين بالكثير 3 موزعين فيها الشباب
تخصص علوم المختبرات تكلموا عنه في البرنامج لانه تحت التنفيذ وبينفتح جريب ان شاء الله .. بس متى؟ مادري =)
الهدف من فتح تخصص التمريض فقط هو لتلبيه احتياجات الدولة للكادر التمريضي ذو الكفاءة العالية في كل اماراتنا الحبيبة.
بعدين بقولج شي .. لا تخلين شي يوقف في ويه طموحج واهدافج حتى لو كان اجتماعي او تقليدي .. الغالية حتى لو درستي علوم المختبرات في كليه غير مختلطه .. الاساتذه والدكاتره رياييل .. بتدربين ايام دراستج في مختبرات فيها رياييل .. بتتخرجين ان شاء الله وبتشتغلين في مكان فيه رياييل .. هذي هي الحياه مافي شي فالقطاع الصحي اسمه ريال وحرمه .. في شي اسمه كفاءة وجدارة ونجاح .

والسموحه فديتج =)

روح الخزامى — 2010-09-07 03:20

اميرة الظلام كتب:بنات السنوات السنوات القبلية يقولون كانوا يعطون البنات المسجلين ورقة مكتوب فيها موعد الامتحان الا هذي السنة ليش ؟يمكن يغيرون النظام يخلونه ما شيء امتحان قبول لان ما يبوا اي طاري حق الامتحان يوم رحت اقدمانا اتوقع يخترون عشوائي

هلا حبوبه

بالنسبة لي انا .. ما كان موجود اي اختيار لموعد امتحان القبول ومتى اباه صراحه مادري منو وصلج هالمعلومة ؟؟
لازم امتحان قبول ومقابلة اختي .. مايصير جي عشوائي في معايير يمشون عليها مستحيل يلغونها منيه والدرب

=)

Bant_alhammadi — 2010-09-07 10:53

روح الخزامى كتب:

حالن مديم اختي .. شفت اسم المدرسه ^^

مب كل الكلاسات فيها شباب .. اذا كانوا 11 طالب يعني كلاس او كلاسين بالكثير 3 موزعين فيها الشباب
تخصص علوم المختبرات تكلموا عنه في البرنامج لانه تحت التنفيذ وبينفتح جريب ان شاء الله .. بس متى؟ مادري =)
الهدف من فتح تخصص التمريض فقط هو لتلبيه احتياجات الدولة للكادر التمريضي ذو الكفاءة العالية في كل اماراتنا الحبيبة.
بعدين بقولج شي .. لا تخلين شي يوقف في ويه طموحج واهدافج حتى لو كان اجتماعي او تقليدي .. الغالية حتى لو درستي علوم المختبرات في كليه غير مختلطه .. الاساتذه والدكاتره رياييل .. بتدربين ايام دراستج في مختبرات فيها رياييل .. بتتخرجين ان شاء الله وبتشتغلين في مكان فيه رياييل .. هذي هي الحياه مافي شي فالقطاع الصحي اسمه ريال وحرمه .. في شي اسمه كفاءة وجدارة ونجاح .

والسموحه فديتج =)

يوم بتطرشون الدعوه قولو حق 11 علمي :(35):
عسب نحن أنيي^^
لا بس ف البرنامج عرضو كل شي وسو مقابلة مع الطالبات اللي متخصصين علوم المختبرات وحطو مختبرات وعفيسه؟!!
مدري والله...,’
انا حطيت ف بالي التمريض بس قالو لي أنه مايوضفون بسرعه وشهادتهم هب أوكي..
ترى انا كل اللي أقدر عليه أسويه أحاول اني أواصل طموحي بس لو الأهل مب راضين ف أكيد أنا مابتوفق صح ولالا؟
ف إن شاء الله يسون كلااسات خاصة للشباب منعزله عن البنات ..
مسمووحه غلايه

الحلا كله انا — 2010-09-07 15:12

انا اليوم دقوا علي قالوا الامتحان القبول تاريخ 14\9 ... ومتى بتكون المقابلة ؟

عين عمان — 2010-09-07 17:19

روح الخزامى كتب:

هلا الغالية
تقريبا تقدرين تقولين انه تحديد مستوى مهاراتج فاللغة الانجليزية

حياج الله اختي =)

صحيح متأكده من انة الاختبار تحديد مستوى لانه انا سمعت انه في نجوح ورسوب
بللللللللللللللللللللللللليييييييييز تاكدي وردي علي

عين عمان — 2010-09-07 17:21

الحلا كله انا كتب:انا اليوم دقوا علي قالوا الامتحان القبول تاريخ 14\9 ... ومتى بتكون المقابلة ؟

صحيح والله مبرووووووووك مقدما
وهل نزلو الاسما على موقعهم وتعتقدي انه كل المتقدمين راح ينادوهم وردي علي

عين عمان — 2010-09-07 17:25

روح الخزامى كتب:

مرحبابج اختي

يركزون على كل شي فديتج بس اكيد يراعون كل المستويات يعني اذا خبصتي فالجرامر بس كنتي تستخدمين كلمات ومفردات مهمة تناسب الموضوع اللي ترمسين عنه .. اكيد بيغطي على درجه الجرامر .. يعني شي يعدل شي ثاني
اهم شي فالمقابلة انج ترمسين وما توقفين وايد يعني ما تقولين امممممم .. والا تقولين كلمتين وتسكتين تدورين ع الكلمة في مخج او اترجمين الكلام من عربي لانجلش .. تكلمي عادي حتى لو كان في اخطاء اهم شي يكون عندج تدفق فاللغه والمحادثه ..
لا تحاتين الغالية بس درسي واتعبي وان شاء الله اذا لج نصيب الله بيرزقج

والسموحه ع التأخير فالرد =)

عادي فديتك ومشكورة على الرد وان شا الله اتوفق ادعييييييلي غناتييييييييي

طالبة تمريض — 2010-09-07 20:59 — طلب من متفووق عماني

السلام عليكم ورحمة الله وبركاته........

مرحبا أخوي متفووق عماني000 إنت ذكرت إنه إلي يريد اختبارات أو ملخصات فالتمريض يطلب و أنت حاضر ..... فأنا هنا أناشدك إذا كان معك مثل ما طلبت فأنا أحتاج حاجة ماسة إليهن ...
مشكوور

وجزاك الله خيرا

الحلا كله انا — 2010-09-07 22:34

عين عمان كتب:صحيح والله مبرووووووووك مقدما
وهل نزلو الاسما على موقعهم وتعتقدي انه كل المتقدمين راح ينادوهم وردي علي

الله يبارك فيج اختي
والله مادري هم اتصلوا فيني اليوم الساعة وحده الظهر
وان شاء الله يتصلو ف الكل

غرياف — 2010-09-08 08:14

السلام عليكم ..

مبروك لج اختي.الحلا كله انا, وان شاء الله يتصلوون فينا هئ هئ هئ هههه

بس جربت افتح موقع الكلية مايرضى ليش ؟!!

aneen alroo7 — 2010-09-08 08:52

السلام عليكم بنااااااااااااااااات ورحة الله وبركاته
اول شي مبروووووووووووك عليكم عيد الفطر المبااااااااااارك وعساكم من عوادة العيد حبايبي
وثاااااااااااااني شي قولوا مبروووووووووووووووووك تراني انقبلت في الكلية ومابدرس فاونديشن لاني يبت باند 5 ونص من شهرين من جامعة الامااااااااارات والله اني مستانسة لاني بدرس في كلية الشيخة فاطمة الله يطول بعمرها

aneen alroo7 — 2010-09-08 09:05

السلام عليكم بنااااااااااااااااات ورحة الله وبركاته
اول شي مبروووووووووووك عليكم عيد الفطر المبااااااااااارك وعساكم من عوادة العيد حبايبي
وثاااااااااااااني شي قولوا مبروووووووووووووووووك تراني انقبلت في الكلية ومابدرس فاونديشن لاني يبت باند 5 ونص من شهرين من جامعة الامااااااااارات والله اني مستانسة لاني بدرس في كلية الشيخة فاطمة الله يطول بعمرها

--------------------------------------------------------------------------------

الحلا كله انا — 2010-09-08 12:57

غرياف كتب:السلام عليكم ..

مبروك لج اختي.الحلا كله انا, وان شاء الله يتصلوون فينا هئ هئ هئ هههه

بس جربت افتح موقع الكلية مايرضى ليش ؟!!

الله يبارك فيج .. ان شاء الله يتصلوا فيج
حتى انا ما يرضى ينفتح عندي الموقع

مساعدة سريعة — 2010-09-08 19:08

الحلا كله انا كتب:الله يبارك فيج .. ان شاء الله يتصلوا فيج
حتى انا ما يرضى ينفتح عندي الموقع

مبروك نتي كم نسبتج بالاماراتي ؟ احنا ما تصلو فينا وينج غصوووووووووووووون

الحلا كله انا — 2010-09-08 21:09

مساعدة سريعة كتب:مبروك نتي كم نسبتج بالاماراتي ؟ احنا ما تصلو فينا وينج غصوووووووووووووون

الله يبارك فيج ........نسبتي 91.7 ادبي ... انتي اتصلي فيهم ان شاء الله خير...

روح الخزامى — 2010-09-08 23:35

bant_alhammadi كتب:يوم بتطرشون الدعوه قولو حق 11 علمي :(35):
عسب نحن أنيي^^
لا بس ف البرنامج عرضو كل شي وسو مقابلة مع الطالبات اللي متخصصين علوم المختبرات وحطو مختبرات وعفيسه؟!!
مدري والله...,’
انا حطيت ف بالي التمريض بس قالو لي أنه مايوضفون بسرعه وشهادتهم هب أوكي..
ترى انا كل اللي أقدر عليه أسويه أحاول اني أواصل طموحي بس لو الأهل مب راضين ف أكيد أنا مابتوفق صح ولالا؟
ف إن شاء الله يسون كلااسات خاصة للشباب منعزله عن البنات ..
مسمووحه غلايه

هلا حبوبة ان شاء الله بقولهم بس اضني بييبون طالبات 12 .. اني وي بخبرهم ان شاء الله توافق الادراه =)

الغالية كانوا يعرضون المختبرات التمريضية اللي نتدرب فيها وسووا مقابلات وسألوا الطلاب عن الاشياء اللي تعلموها .. كنت موجوده وياهم يوم صوروا وسمعت كلام البنات وجي بس للاسف ماشفت الحلقة يوم انعرضت كنت بزي :( بس الحمدلله على كل حال ..

ربي يحفظج اختي

روح الخزامى — 2010-09-08 23:39

عين عمان كتب:صحيح متأكده من انة الاختبار تحديد مستوى لانه انا سمعت انه في نجوح ورسوب
بللللللللللللللللللللللللليييييييييز تاكدي وردي علي

هلا اختي .. كنت اقصد ان امتحان القبول تقريبا مثل امتحان تحديد المستوى في اللغه الانجليزية ومهاراتها .. اكيد فيه نجاح ورسوب والا كيف بيقبلون بنات وبيخلون بنات؟؟
لا تحاتين اختي الامور طيبة ان شاء الله بس انتي شدي حيلج ودرسي عدل
والسموحه =)

روح الخزامى — 2010-09-08 23:42

الف مبرووووك لكل اللي انقبلوا فالكلية .. اتمنى لهم رحلة دراسية موفقة وممتعه يا رب
عقبال الباجين ان شاء الله

=)

اميرة الظلام — 2010-09-09 03:22

الف الف مبروووك لكل المقبولين

بس حبيت اسال انتو من وين العين او بوظبي؟

عين عمان — 2010-09-09 15:43

الحلا كله انا كتب:السلام عليكم ........
اتصلوااا فيكم من الكولج ؟؟؟ اذا في احد اتصلوا فيه خبروناا ؟؟

وعليك السلام لا والله بعدهم ما اتصلو وان شالله خييييير
وعيدك مبارك يا الامورة

عين عمان — 2010-09-09 15:47

الحلا كله انا كتب:الله يبارك فيج اختي
والله مادري هم اتصلوا فيني اليوم الساعة وحده الظهر
وان شاء الله يتصلو ف الكل

ان شا الله غناتي ادييييييييييييييييلي
وعيدك مبارك وكل سنه وانتي طيبة

عين عمان — 2010-09-09 15:51

روح الخزامى كتب:

هلا اختي .. كنت اقصد ان امتحان القبول تقريبا مثل امتحان تحديد المستوى في اللغه الانجليزية ومهاراتها .. اكيد فيه نجاح ورسوب والا كيف بيقبلون بنات وبيخلون بنات؟؟
لا تحاتين اختي الامور طيبة ان شاء الله بس انتي شدي حيلج ودرسي عدل
والسموحه =)

هلا والله شكرا على الرد واتمنى انه اشكرك ف الواقع فيس تو فيس وانتي ادعيلي يالغلا
وعيدك مبارك

غرياف — 2010-09-09 16:23

بنات قلتوو انه مستوي فرز مب صح !؟ يمكن عشان جي يبدون من النسب العاليه ثم اللي بعدها ولا كيف؟؟!!

2007 — 2010-09-11 18:43

مرحبا اخواتي انا مقدمة على الكلية واتصلو بي على الشان امتحان القبول وبيكون يوم 14/9
بنات كيف يكون هالمتحان ساعدوني ما اعرف كيف اتجهز له ؟؟؟؟؟؟؟؟؟؟

عين عمان — 2010-09-11 19:50

2007 كتب:مرحبا اخواتي انا مقدمة على الكلية واتصلو بي على الشان امتحان القبول وبيكون يوم 14/9
بنات كيف يكون هالمتحان ساعدوني ما اعرف كيف اتجهز له ؟؟؟؟؟؟؟؟؟؟

مبرررررررررررررررروك اخوي
وعساك من عوادة
اجول انا مسجلة ف هالكلية وما نادوني
تعتقد انة مستمرين ينادو ولا خلاص اكتفو؟؟؟؟؟؟؟؟؟؟؟؟
ارجووووووووووووووووو الرد بسرعه بليزززززززززززززز

غرياف — 2010-09-11 21:06

سؤالي شرات سؤالج اختي عين عمان هههه <<الحيره جتلتنا^^

الحلا كله انا — 2010-09-11 21:45

لو سموحتو شو بيكون الامتحان ؟؟؟ يبون رايتنج و عن شو ؟

2007 — 2010-09-11 23:06

اقتباس:
المشاركة الأصلية كتبت بواسطة عين عمان (صورة خارجية غير محفوظة في الأرشيف — http://www.study4uae.com/vb/alshrqy.com/buttons/viewpost.gif)
مبرررررررررررررررروك اخوي
وعساك من عوادة
اجول انا مسجلة ف هالكلية وما نادوني
تعتقد انة مستمرين ينادو ولا خلاص اكتفو؟؟؟؟؟؟؟؟؟؟؟؟
ارجووووووووووووووووو الرد بسرعه بليزززززززززززززز

الله يبارك فيج
والله ماعندي فكرة انتي حاولي تتصلين فيهم وتسئلين

uae 007 — 2010-09-12 03:05

ماشااء الله ..

غبت ورديت وشفت الأخبار اللي تسر ..

مباركن عيدكم أول شي ..

وثاني شي مليون مبـــــــــروكـ لكل المقبولات ..

وبالتوفيق للباقيات ياربيه ..

أمتحان القبول بيكون أنجلش أكيد ..

التحضيرات هيه للأنجلش ..

وترومين حبوبه (2007) تشوفين الردود السابقه عسب تعرفين بالضبط شو تحضرين له ..

وبالنسبه للأخت أميرة الظلام .. حبوبه نحن هنيه من بوظبي والعين ..

ونحن نكمل بعضنا ..

أكبر سلام لزميلتي ( روح الخزامى ) .. مباركن عيدج الغاليه ^^

وبالتوفيق للكل .. *_^

عين عمان — 2010-09-12 07:04

الله يبارك فيج
والله ماعندي فكرة انتي حاولي تتصلين فيهم وتسئلين[/quote]

هلا
والله حاولت اتصل فيهم بس ما رضى يروحت ما اعرف هل خطا ف الرقم او فتح الخط عطوني الرقم وفتح الخط إذا تتكرمو ولكم جزيل الشكر والتقدير"""""""""""""

عين عمان — 2010-09-12 07:07

غرياف كتب:سؤالي شرات سؤالج اختي عين عمان هههه <<الحيره جتلتنا^^

هلا والله انتي من عمان
لجول صحيح انه الحيرة بتجتلنا

Rmad Insan — 2010-09-12 08:57

مساء الخير
عيدكم مبارك

عندي استفسار حول التسجيل ف كلية فاطمه
هل يتم قبول الغير المواطنين للدراسه ف الكليه ؟؟؟؟

عين عمان — 2010-09-12 12:10

rmad insan كتب:مساء الخير
عيدكم مبارك

عندي استفسار حول التسجيل ف كلية فاطمه
هل يتم قبول الغير المواطنين للدراسه ف الكليه ؟؟؟؟

عساك من عواده
نعم يستقبلو بس الحين التسجيل خلص

غرياف — 2010-09-12 13:15

خواتي انا ابي اعرف هل بيتصلوون لنا ولا خلاص نفقد الامل هههه ^^الظاهر جي..

××ميمي×× — 2010-09-12 16:33

آسألكم الكليه في هالايام مفتووحه ؟؟؟؟؟؟؟؟؟ أو لا ؟؟؟؟؟؟؟؟؟؟؟

تكفووون ردوا علي آبي آسير الكلية

lover girl — 2010-09-12 19:42

يعني خلص اللي ما اتصلو فيهم بيكون راحت عليهم؟؟

وهلا المقابلة بتكون بيوم واحد لكل الطلاب والطالبات ولا على ايام؟

يا ريت لو تحطو ارقام الكلية لفرع العين لو سمحتو

uae 007 — 2010-09-12 22:10

اقتباس:
المشاركة الأصلية كتبت بواسطة ××ميمي×× (صورة خارجية غير محفوظة في الأرشيف — http://www.study4uae.com/vb/fh.com.sa/uae/buttons/viewpost.gif)
آسألكم الكليه في هالايام مفتووحه ؟؟؟؟؟؟؟؟؟ أو لا ؟؟؟؟؟؟؟؟؟؟؟

تكفووون ردوا علي آبي آسير الكلية

مرحبا حبوبه .. الكليه مفتوحه .. وباكر يبتدي الدوام الرسمي لطلاب الكليه اللي خلصوا السنه التأسيسيه وفوق ..

حياج الله حبوبه .. بتنورينا ^^

uae 007 — 2010-09-12 22:33

اقتباس:
المشاركة الأصلية كتبت بواسطة lover girl (صورة خارجية غير محفوظة في الأرشيف — http://www.study4uae.com/vb/fh.com.sa/uae/buttons/viewpost.gif)
يعني خلص اللي ما اتصلو فيهم بيكون راحت عليهم؟؟

وهلا المقابلة بتكون بيوم واحد لكل الطلاب والطالبات ولا على ايام؟

يا ريت لو تحطو ارقام الكلية لفرع العين لو سمحتو

حياج الله الغاليه ..

الأرقام موجوده في الصفحات الأولى من هالموضوع ..

وكل المعلومات اللي تبغينها ممكن تحصلينها في الصفحات اللي قبل بعد ..

بالتوفيق الغاليه ^^