نسيت أنسـاكـ
— 2010-10-08 06:49
— لغتي تدهورت ><
السلام عليكم ورحمة الله وبركاته ]~
بصراحه انا اول مره راح اكتب شكوى وعمري ما كنت قد اعترضت ع شي قد سويتوه لان هدفكم بالاول نحن .. ونحن فعلا مقدرين جهودكم بس اذا كان في شي من جميلاكم يضرنا وفعلا بدى الكل يلاحظ علينا هالشي فلازم نقولكم ..!
انا ادرس بمرجله ثانويه عامة بمدرسة (ح ب س )من اللي فيها شراكه في المنطقه الغربيه وحاطين لنا ابلوات اجانب يدرسونا انجليزي يعني والله العظيم ان لغتي بدت تتدهور وآيد بعد والكل لاحظ علي هالشي معني الحمدلله لغتي الانجليزيه ووايد تحسنت بالاجازة بس من يت هالابله وهي ضايعه ما تعرف كيف تنقلنا المعلومة ومن بدينا الحين الدراسه والله ما استفدنا شي موب انا بس بروحي كل الطلبه جي وقلنا لمديرتنا بس ما تقدر تسوي شي ..
عدينا هالشي ومن الطبيعي يكون في حركه وشغب شوي بالصف بس ان الابله تقول لنا ( مجانين - انا ما شفت مثلكم - تنافخ وتعصب - انتو ما عندكم مخ ) حتى يوم ودنا نحضر كلاس من الصفوف اللي عدالنا نشوف شو الفرق يعني حاولنا نعرف شو العله طردتنا قالت ماريد مجانين بحصتي ,,><
بدل مو المعلم يعطي حافز عشان الطالب اي ويحضر لحصصه ويكون متشوق لهالحصه لا صرنا نكره الحصه ولللاسف حاطين لنا حصتين كل يوم والله وربي اني قمت اتعب نفسيا وكتابنا اللي هو اللي بنمتحن فيه والله ما خذنا شي منه وباقي المدراس تاخذه وتدرسه الا نحن وربي حرام اللي يصير ويانا .,
يا وزارتنا لو تفكرون بمصلحتنا دخيلكن القو لنا حل بسرعه قمنا نتعب ومو نحن مدرستنا بس اللي تعاني من هالشي تلقون كل مدرسه فيها هالشي الطلبه تعبانين =[ وانا واثقه انكم راح تهتمون بموضوعي لانكم اكيد تبون لنا الافضل
ولكم جزيل الشكر
Major-NaZ
— 2010-10-22 16:09
و نفس السالفة عندنا
احس ان لغتي تدهورت لان المدرس ما يعطينا اهتمام
المهم يتكلم و يروح
الحررر
— 2010-10-23 14:44
حبيت اعلق على موضوع .. الاخت
والله صدقهاا ما فلحناا فى شي و6 كتب حشااا وما تقول شو الكتاب لازم انيبه باجر مب منظمه كلش ها مس وتعق الوم علينا >>> وبعد المصيبه الثانيه سالفه الحصص الانقلنزي الاظافيه والابتوبات .. مالهن داعى علينا ظغط فى مواد غير وهذااا قالوا حقنا مب محسوب ><" .. ومس ما تتفاهم واللغه عندهااا مب شي وربي لغتهاا ما تنفهم وكد وعسر وحياتن ربي ادرى ابهاا .. وزيدكم من شعر بيت تفلع البنات بل اقلام >> وحنااا شعارنااا هذى سنين التعليم اولا .. >< ثم تربيه وحمدالله متربين ماله داعى ها الاشياء لى تفقد الواحد مكانته ... ماشي عدل مووول ><"
حنا يوم ظاقت ابناا الديناا ردينا الكم .. وندرى ابكم انكم مول مب مقصرين معانا ^^.. ما عليها زود الاخت كفت وفت ..
....نعم نعم تتهورت اللغه .. ^^
وفداعه الله ~..
s a m a
— 2010-10-23 14:48
وعليـكم السـلام ورحمة اللهـ وبركاتــهـ
بـ صراحـة أنا ادعم خيتوو إلي ردت قبلـي لان المشكلة مب بس فـ مدرستهم
يعني الهدف من وجـود معلمات أجنبيات هو تقوية اللغة الإنجليزي لدى الطلبة خصوصاً الذين لا يجدون التحدث بها
أنا بـ مدرسة في الوثبة (اللهم وحدة مال الثانوية!)
الحمدلله إنجليزيتي وبـ فضل الله تعتبر ممتـازة إلى حد ما، بس أنا قلبي على صحباتي !
والله حرام .. وقسسسسم بالله حرام
والي رفـع البيت حرام الي يصير والله حرام !
كل وحده فيهن تصك رواتبهن الـ 80 ألف على شو ؟
في منهن تدريسهن اوكيه وماعليه كلام، بس الي تحط رجل على رجل وتقبض راتب آخر الشهر
شو تبونا نقول ؟ ندعي على الوزارة ؟
خاصة يوم نشوف الأهالي يشتكون "بناتنا يدرسوهن اجانب ومافادوهن.. شو بيساعدهن فالسيبا الحين؟؟"
لا وحتـى يثبتون لنا هالشيء.. المدرسة الي اسمها ستيسي
والي قبلها كانت كيلي
وحده تقول أنا داخله بزنس أصلاً وما يخصني بالتدريس
والثاني تروي البنات صورها هي والجلاب مالها.. شحقه ؟
ولا شلون يدرسونا حتى!!
جنه طلاب ابتدائي
مب المفروض يكون في تقييم للمدرسين قبل كل شيء ؟
الساكت عن الحق شيطان أخرس
والي يصير فيه ظلـم لنا كـ طلبة !
اتمنـى الموضوع يلقى اهتمـــااام ~
ويزاج الله خير ع فتـحج الموضوع
alia93
— 2010-10-23 14:56
والله انا معات بكل كلمه قلتيها
وانا معات بالكلاس وتدرين اني مااعرف لين الحين عن شو كنا نتكلم من بداية الدراسه
والمشكله انه ماتقدرين تتواصلين معها ماتعطيت فرصه تتكلمين ما افهم منها غير كلمة ( نووو ) بس
اللفظ عندهاا هب وااضح ماتفهمين لها شو تقول
وتكفوون شوفوا لنا حــل
رسمة حزن
— 2010-10-23 15:02
صدقج والله تدهورت ولتعنت بعد
قسم بالله انه ما نعرف كوعنا من بوعنا ... اونه عسب لغتنا اتكون تب واي تب
روحها ما تعرف وين الله حاطنهاا ..
الحمدلله والشكر ... يبون يعدلون لغتنا ... وهيه كل ما ياي اتدهور اكثر ..
تسلمون ع هذه الاهتمام بس صراحه كنتو هب لازم تحطونها اخر سنه لا زم العكس تحطونها اول سنتين ..
صدق يوم قالو بعد ما شاب ودوه الكتاب ... الحين نحن بعد ما شبنا يابولنا كنديات ..
تسلمين حبوبه انج نزلتي هل موضوع ... وما قصرتي ..
رسمة حزن
— 2010-10-23 15:10
تدهورت ولتعنت بعد
اونهم يبون لغتنا تكون تب واي تب .. كل ما ياي تدهور اكثر ...
اصلان صرنا ما نعرف شي كنا نقدر انمشي عمرنا بالانجليزي شوي بس الحين ما صرنا نعرف شي ابد
واشكر لكم اهتمامكم بس اهتمامكم غلط .. كنتو هب لازم تحطونها اخر سنه كان لازم تحطونها اول سنه عسب نتاسس عدل ...
صدق يوم قالوا بعد ما شاب ودوه الكتاب .. الحين نحن بعد ما شبنا يابولنا كنديات ...
يسلمين حبوبه انج كتبتي معناتنا ...
هيمان المرفأ
— 2010-10-24 17:30
للأمانة نحن مرتاحين جداً مع المدرس الأجنبي و كل صفوف العلمي بمدرستنا مرتاحة مع هذا المدرس << اما عن الأدبي ما شاء الله ما يشوفونه إلا مرتين في الأسبوع و باقي الحصص يخلونه يسولف ويا عمره بالصف
أعتقد أن الخلل مب في كون المعلم - او المعلمة - أجانب
الخلل في المعلم نفسه , أعني من الطبيعي ان نكون مرتاحين مع اجانب و ما نرتاح مع غيرهم , مثلما نرتاح مع معلمين عرب و ما نرتاح مع غيرهم و مثلما نرتاح مع مواطنين و ما نرتاح مع غيرهم
أعني أن حالتكم خاصة و من الخطأ تعميمها على كل المدرسين الأجانب , ثم أن تعاملنا باللغة الانجليزية في الصف مع المعلم الأجنبي يكاد يصل إلى 100% " لولا الأحاديث الجانبية " , بينما مع المعلمين العرب " أعني مدرسين اللغة الانجليزية " تعاملنا معهم بالانجليزية داخل الحصة - و خارجها - نادراً ما يرقى لنسبة 100% - إن لم يكن أبداً - !
بالتخصص قليلاً وصولاً لحالتكم , قد يكون خطأ المعلمة و قد يكون الخطأ متبادلاً بينكم و بين المعلمة , حاولوا تشوفون عيوبكم اللي دفعت المعلمة لكرهكم بهذا الشكل و حاولوا تصحيحها , خلوا مجموعة من الطالبات منكم " 4 أو 5 " يروحون للمعلمة و يعتذرون عن ما سبق و يبدون رغبتهم و رغبة الصف بأكمله في تعلم اللغة الانجليزية كونها لغة مهمة و " جميلة " !
حتى لو كانت وجهة نظركم أن اللغة الانجليزية مب حلوة قولوا أنها حلوة لأن تأثير هالكلمة راح يكون سآحر على المعلمة , و صدقوني حتى لو كانت المعلمة هي المخطئة لازم تسوون هالشي لأنه يصب في صالحكم !
السنة هذي سنتكم و لازم تستغلونها و تفيدون منها أقصى استفادة متاحة , و المعلمة تراها موجودة سواء هالسنة أو السنة الياية و معاشها واصلنها و ما بينقص فلس من معاشها لو عاندتوا معاها و لا انجليزيتها راح " تتردى " !
إذا ما لقيتوا تجاوب منها فوصلوا الموضوع لجهة أعلى من المديرة و طالبوا بتغيير المعلمة
هيمان المرفأ
— 2010-10-24 17:39
للأمانة نحن مرتاحين جداً مع المدرس الأجنبي و كل صفوف العلمي بمدرستنا مرتاحة مع هذا المدرس << اما عن الأدبي ما شاء الله ما يشوفونه إلا مرتين في الأسبوع و باقي الحصص يخلونه يسولف ويا عمره بالصف
أعتقد أن الخلل مب في كون المعلم - او المعلمة - أجانب
الخلل في المعلم نفسه , أعني من الطبيعي ان نكون مرتاحين مع اجانب و ما نرتاح مع غيرهم , مثلما نرتاح مع معلمين عرب و ما نرتاح مع غيرهم و مثلما نرتاح مع مواطنين و ما نرتاح مع غيرهم
أعني أن حالتكم خاصة و من الخطأ تعميمها على كل المدرسين الأجانب , ثم أن تعاملنا باللغة الانجليزية في الصف مع المعلم الأجنبي يكاد يصل إلى 100% " لولا الأحاديث الجانبية " , بينما مع المعلمين العرب " أعني مدرسين اللغة الانجليزية " تعاملنا معهم بالانجليزية داخل الحصة - و خارجها - نادراً ما يرقى لنسبة 100% - إن لم يكن أبداً - !
بالتخصص قليلاً وصولاً لحالتكم , قد يكون خطأ المعلمة و قد يكون الخطأ متبادلاً بينكم و بين المعلمة , حاولوا تشوفون عيوبكم اللي دفعت المعلمة لكرهكم بهذا الشكل و حاولوا تصحيحها , خلوا مجموعة من الطالبات منكم " 4 أو 5 " يروحون للمعلمة و يعتذرون عن ما سبق و يبدون رغبتهم و رغبة الصف بأكمله في تعلم اللغة الانجليزية كونها لغة مهمة و " جميلة " !
حتى لو كانت وجهة نظركم أن اللغة الانجليزية مب حلوة قولوا أنها حلوة لأن تأثير هالكلمة راح يكون سآحر على المعلمة , و صدقوني حتى لو كانت المعلمة هي المخطئة لازم تسوون هالشي لأنه يصب في صالحكم !
السنة هذي سنتكم و لازم تستغلونها و تفيدون منها أقصى استفادة متاحة , و المعلمة تراها موجودة سواء هالسنة أو السنة الياية و معاشها واصلنها و ما بينقص فلس من معاشها لو عاندتوا معاها و لا انجليزيتها راح " تتردى " !
إذا ما لقيتوا تجاوب منها فوصلوا الموضوع لجهة أعلى من المديرة و طالبوا بتغيير المعلمة
احمد زوكا
— 2010-10-25 17:39
بصي يـآ ح’ـآجه .. انا برده عندي في الصف بتاعي كدا
عندنا واحد كدا من امريكا من تاكسس << بتوع صعـآيده امريكا الي بيستعملوهم للحرب
المهم انا مش حقول قصة حياته .. خليه يوليه
احنا اشتكينا كتييييييير اوي اوي اوي عليه لحد ما سابس نفسها زووهقت منه وبعد كام يوم كدا يعني ان شا الله هيروح في خبر إن واخواتها وهيترفع رفعه مشفش زيها عشان يتعلم مره تانيه يجي في خبر الإن دي ويفضل في بلده احسن منصوووب في الجيش ويحارب في العراق وفلسطين .. ايه الي جابوا ده مش عارف الصراحه
المهم هوا ده الي عندي اعملوا كدا زينا وتوته توته هتخلص الحدوته << حلوه ولا منتووته هههههههههـآآآي << خلاص بمووووووت بطني << برأأأأ
شمآإمي
— 2010-10-27 13:29
صح السانج والله انه الممس مالنا كله ترمس انجليزي حششى يعني لازم نعرف انه ترمس انجليزي ودارسسة أفف شو هالحاالة والله انتو مول ما راحمينا صددق
خليفه اسماعيل
— 2010-11-01 20:53
ليش كل شي صار انكليزي
لغتنه لغت القران وللغة اهل الجنه راح بسهووله
ليش جي ليش
نبي لغنته ترد مثل ماكان
ياريت لووو ترد ياريت
ليش انكليز ما يتعلموون العربي